მნიშვნელოვანი ინფორმაცია
28
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ცესკო: მთაწმინდის მე-18 საარჩევნო უბანზე სამი პირი მოტყუებით შევიდა
01:22 / 30-10-2016
ცესკო სამი პირის მიერ მთაწმინდის მე-18 საარჩევნო უბანზე მოტყუებით შესვლასა და უფლებამოსილების გადამეტების ფაქტზე საუბრობს.
როგორც ცესკო-ს სპიკერმა ანა მიქელაძემ პირველ საინფორმაციო ბრიფინგზე განაცხადა, გუშინ საღამოს, დაახლოებით 19:20 საათზე, მთაწმინდის მე-18 საარჩევნო უბანზე სამი პირი მივიდა, რომლებმაც დაცვის პოლიციას თავი წარუდგინეს, როგორც საოლქო-საარჩევნო კომისიის წარმომადგენლები.
ცესკო-ს ინფორმაციით, აღნიშნული პირები უბანზე შევიდნენ, როდესაც უბანი უკვე დაკეტილი იყო.
"მათ დაიწყეს საარჩევნო მასალების დათვალიერება, გადაღება, სხვადასხვა უჯრების გახსნა, სადაც ინახებოდა საარჩევნო დოკუმენტაცია, მათ შორის, ჩვენი ინფორმაციით, აღნიშნულმა პირებმა გადაიღეს ამომრჩეველთა სამაგიდო სიები, რომლებიც შეიცავენ ამომრჩევლის პერსონალურ მონაცემებს. მოგვიანებით დადგინდა, რომ აღნიშნული პირები არ იყვნენ საოლქო-საარჩევნო კომისიის წარმომადგენლები. მათ ჰქონდათ დამკვირვებლისა და პარტიის წარმომადგენლობის სააკრედიტაციო ბეიჯები. დაცვის პოლიციამ მათ დაატოვებინა უბანი. ადგილზე მასალების გადასამოწმებლად მივიდნენ საოლქო-საარჩევნო კომისიისა და ცენტრალური საარჩევნო კომისიის წარმომადგენლები, ასევე მისული იყო უბნის თავმჯდომარე. შეტყობინება შევისა 112-ზე და გამოძახებული იყო პოლიცია. აღნიშნულ ფაქტზე მიმდინარეობს გამოძიება. მიუხედავად იმისა, რომ საარჩევნო მასალა და დაკუმენტაცია უბანზე არის სრულყოფილი და დაუზიანებელი, აღნიშნული, კანონმდებლობის თანახმად, წარმოადგენს საარჩევნო უბანზე მოტყუებით შესვლას და უფლებამოსილების გადამეტებას", - განაცხადა ანა მიქელაძემ.
ცესკო-ს სპიკერს გამოძიების ინტერესებიდან გამომდინარე, არ დაუკონკრეტებია რომელ სადამკვირვებლო ორგანიზაციასა და პარტიას წარმოადგენდნენ აღნიშნული პირები. მისივე თქმით, ამ უბანზე არჩევნები შეფერხების გარეშე მიმდინარეობს.
ამასთან, ცესკო კიდევ ერთხელ მიმართავს დამკვირვებლებს, საარჩევნო უბანზე ყოფნის უფლების მქონე პირებს, კანონის ფარგლებში იმოქმედონ და საარჩევნო ადმინისტრაციას საკუთარი საქმიანობის განხორციელებაში ხელი შეუწყონ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
