27
აპრილიდღის ზოგადი ასტროლოგიური პროგნოზი
ყველამ ვიცით, რომ მეცნიერება საოცარ ფაქტებს იკვლევს, მაგრამ ეს დარგი თავისი მიღწევებით სულ უფრო მეტად ემსგავსება მაგიას. მეცნიერება უკვე შეუძლებლის შესაძლებლად გარდაქმნაზე მუშაობს. წარმოგიდგენთ რამდენიმე გამაოგნებელ მიღწევას, რომელიც აქამდე მხოლოდ ფანტასტიკურ ფილმებში გვხვდებოდა.
შავი ხვრელი ლაბორატორიებში
ჩინეთში, ნანინგის უნივერსიტეტში მკვლევარებმა შავი ხვრელის მიახლოებითი ასლი შექმნეს. მათ შექმნეს ელექტრომაგნიტული ტალღები, რომლებიც კონკრეტულ მასალას გარდაქმნიდა. ეს პირველი შემთხვევაა, როდესაც შავი ხვრელი ისეთ პირობებში შეიქმნა, რომ მისი კონტროლი შესაძლებელია. შესაძლოა, სულ ცოტაა დარჩენილი, სანამ შავი ხვრელები ყოველდღიური ცხოვრების ნაწილი გახდებიან.
ტელეპათია
ჰერცოგის უნივერსიტეტის მეცნიერებმა ნეირომეცნიერების ბრაზილიური საერთაშორისო ინსტიტუტის წამყვანი მეცნიერების დახმარებით შეძლეს, ორი ვირთხა ათეულობით ათასი კილომეტრის დაშორებით ერთმანეთთან ტელეპათიურად დაეკავშირებინათ. მღრღნელები ერთმანეთს ტვინის იმპლანტანტებით დაუკავშირდნენ. მეცნიერებს სწამთ, რომ ეს ექსპერიმენტი თავისუფლად შეიძლება ადამიანებზეც ჩატარდეს და უკეთესი შედეგიც აჩვენოს.
სინათლის სიჩქარე
კარგად ცნობილი ფაქტია, რომ სინათლის სიჩქარის მიღწევა ჩვენს სამყაროში შეუძლებელია, თუმცა ამ მოსაზრების სისუსტე პრინსტონის უნივერსიტეტის მკვლევარებმა დაამტკიცეს. მათ ლაზერის სხივი სპეციალურად მომზადებულ, გაზით სავსე ოთახში გაუშვეს და მან სინათლის სიჩქარეზე 300-ჯერ სწრაფად იმოძრავა.
საგნები, რომლებიც ერთდროულად ორ მოძრაობას ასრულებენ
უამრავი თეორია არსებობს იმის თაობაზე, რომ კონკრეტულ საგანს არ შეუძლია ერთდროულად ორი მოძრაობა შეასრულოს. სანტა ბარბარაში მეცნიერებმა ძალიან პატარა მეტალის ნაჭერი გააციეს და კვანტური სქემით მოიყვანეს მოძრაობაში. ამ დროს მათ აღმოაჩინეს, რომ საგანი ერთდროულად მოძრაობდა და თან უძრავი იყო. ეს ძალიან მნიშვნელოვანი აღმოჩენაა, რადგან ამით შესაძლოა, ორ ადგილას ერთდროულად ყოფნის თეორიები რეალობად იქცეს.
მომზადებულია listverse.com-ს მიხედვით.
