მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
თსუ გუშინ მომხდარი ფიზიკური დაპირისპირების ამსახველ კადრებს ავრცელებს
09:43 / 25-05-2016
ივანე ჯავახიშვილის სახელობის თბილისის სახელმწიფო უნივერსიტეტი 24 მაისს მომხდარი ინციდენტის ამსახველ ვიდეომასალას ავრცელებს. როგორც თსუ-ს "ფეიბუქის" გვერდზე გავრცელებულ ინფორმაციაშია ნათქვამი, 24 მაისს, ივანე ჯავახიშვილის სახელობის თბილისის სახელმწიფო უნივერსიტეტის პირველ კორპუსში, სააქტო დარბაზთან ორ სტუდენტს შორის მომხდარ სიტყვიერ შელაპარაკებას ფიზიკური დაპირისპირება მოჰყვა. როგორც თსუ-ში აცხადებენ, სიტუაცია უნივერსიტეტის დაცვისა და უსაფრთხოების სამსახურის ჩარევით განიმუხტა.
"ფაქტისადმი მაღალი საზოგადოებრივი ინტერესიდან გამომდინარე, ასევე კონფლიქტში მონაწილე მხარეების მოთხოვნის შესაბამისად, უნივერსიტეტის ადმინისტრაციამ ვიდეოჩანაწერის გასაჯაროების გადაწყვეტილება მიიღო. მასალაში ჩანს დაპირისპირების გარემოებები. ინციდენტი მოხდა 17:27 საათზე და დაახლოებით, 3-4 წუთში განიმუხტა თსუ დაცვისა და უსაფრთხოების სამსახურის თანამშრომელთა მიერ, რომლებიც ვიდეოჩანაწერში მონიშნულნი არიან ისრებით (9 თანამშრომელი). გარდა ამისა, კონფლიქტის განმუხტვას შეეცადნენ ფაქტის შემსწრე უნივერსიტეტის ადმინისტრაციის თანამშრომლები და სხვა სტუდენტები", - ნათქვამია განცხადებაში.
იხილეთ ვიდეო: თსუ უნივერსიტეტში მომხდარი ჩხუბის კადრებს ავრცელებს - სათვალთვალო კამერის ჩანაწერი
როგორც "აუდიტორია 115"-ის წევრმა გიორგი არობელიძემ "ინტერპრესნიუსს" განუცხადა თბილისის სახელმწიფო უნივერისტეტის მიერ გავრცელებულ კადრებში ჩანს, რომ ერთი ადამიანი სცემა თვითმმართველობის ოცამდე წევრმა. როგორც არობელიძემ აღნიშნა, კადრებში ნათლად ჩანს ისიც, თუ ვინ არიან მოძალადეები.
"ის, რასაც ვამბობდით, რომ ერთი ადამიანი სცემა თვითმმართველობის ოცამდე წევრმა, ვიდეოთი დასტურდება. კადრებში ჩანს, თუ როგორ უსწორდება თვითმმართველობის მოქმედი და ყოფილი წევრები ცოტნე ცხვედიანს, მათ შორის არიან შალვა საბაური, პაატა ბახტურიძე, ბახვა კვირიკაშვილი, გიორგი აკაურიძე. სახეზეა, როგორ ძალადობენ ერთ ადამიანზე. ეს ძალადობა უნდა დასრულდეს", - განაცხადა "აუდიტორია 115"-ის წევრმა გიორგი არობელიძემ.
ამ დროისთვის "აუდიტორია 115"-ის წევრები აქციის გასამართად ემზადებიან. ასევე ისინი ცდილობენ სახელმწიფო უნივერისტეტის მიერ გავრცელებულ ვიდეოში დაფიქსირებული პირების იდენტიფიკაცია მოახდინონ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
