მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
კვირა, მთვარის ოცდამეცხრე დღე დაიწყება 05:27-ზე; ხოლო მთვარის პირველი დღე 23:30-ზე, მთვარე 11:16-ზე ესტუმრება კუროს
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია ამ დღეს დაიცვათ მარხვა. ნებადართულია რძის პროდუქტები. ხორცი არა. დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვანო მერაბიშვილს ე.წ. კორტების სპეცოპერაციის საქმეზე დაკითხავენ
09:24 / 08-09-2015
ე.წ. კორტების სპეცოპერაციის ხელმძღვანელი პირების წინააღმდეგ საქმეზე შს ყოფილი მინისტრი ვანო მერაბიშვილი მოწმის სახით დაიკითხება, - ამის შესახებ ჟურნალისტებს კორტების საქმეზე ბრალდებულების ერთ-ერთმა ადვოკატმა დავით ხაჟალიამ განუცხადა.
დღეს ვანო მერაბიშვილის სახელი ბრალდების მხარის მოწმემ მერაბ ბაღათურიამ ახსენა, რომელიც ე.წ.კორტების სპეცოპერაციის დროს ქალაქ თბილისის პოლიციის მთავარი სამმართველოს უფროსი იყო. ბაღათურიამ განაცხადა, რომ კორტების სპეცოპერაციის შემდეგ მას ვანო მერაბიშვილმა დაურეკა და ზურაბ ვაზაგაშვილზე, ბონდო ფუთურიძეზე და ალექსანდრე ხუბულოვზე მაკომპრომეტირებელი ინფორმაცია მოსთხოვა. მოწმემ ასევე აღნიშნა, რომ მისთვის გასაკვირი იყო სპეცოპერაციის შემდეგ ვანო მერაბიშვილის ზარი, რომელმაც ასევე მოითხოვა ირაკლი ფირცხალავას სამსახურიდან გათავისუფლება. მერაბ ბაღათურიას თქმით, ასევე გასაკვირი იყო, რომ გათავისუფლების შემდეგ ირაკლი ფირცხალავა კრიმინალური პოლიციის დეპარტამენტის უფროსის მოადგილის პოსტზე დაინიშნა.
ფირცხალავას ადვოკატის, დავით ხაჟალიას თქმით, ვანო მერაბიშვილი თავად განმარტავს, როდესაც სასამართლოში დაიკითხება, თუ რას უკავშირდებოდა ეს სატელეფონო ზარი. თუმცა როგორც ადვოკატმა აღნიშნა, ამაში გასაკვირი არ არის, რადგან მინისტრმა თავის თანამშრომელს დაურეკა. დავით ხაჟალიას ინფორმაციით, სასამართლო დაკითხავს დაცვის მხარის მოწმეებსაც, რომლებიც განმარტავენ რატომ არ შეიძლებოდა სცოდნოდა მერაბ ბაღათურიას მისი ჩვენების მიხედვით სპეცოპერაციის შესახებ ინფორმაცია. ამ კონტექსტში როგორც ადვოკატმა აღნიშნა, განმარტებას სასამართლოსთვის მიცემულ ჩვენებაში გააკეთებს დაცვის მხარის ერთ-ერთი მოწმე, კრიმინალური პოლიციის დეპარტამენტის ყოფილი უფროსი ირაკლი ქადაგიძე.
ე.წ. კორტების სპეცოპერაციის ხელმძღვანელი პირების წინააღმდეგ საქმეზე დღეს პროკურატურის ოთხი მოწმე დაიკითხა. სასამართლოს ჩვენება მისცა ერთმა ექსპერტმა და კრიმინალური პოლიციის სამმა ყოფილმა თანამშრომელმა. როგორც საქმის პროკურორმა ამირან გულუაშვილმა პროცესის დასრულების შემდეგ განაცხადა, დღეს დაკითხული მოწმეები ადასტურებენ ვერსიას, რომ ინფორმაცია ზურაბ ვაზაგაშვილის და მისი თანმხლები პირების შესახებ კრიმინალურ პოლიციას არ გააჩნდა.
"მოწმეებმა დაადასტურეს, რომ სროლა არ განხორციელებულა პოლიციის მისამართით და პოლიციამ გაუხსნა ცეცხლი ვაზაგაშვილს და მის ავტომობილში მსხდომ პირებს. შეთხზულია ცრუ ვერსია, შესაბამისად მოხდა მტკიცებულების ფალსიფიკაცია, იარაღის ჩადება და გაყალბდა ექსპერტიზის დასკვნები, რომლის შემდეგაც შეიქმნა სურათი თითქოს ვაზაგაშვილი და მისი თანხმლები პირები თავს დაესხნენ სამართალდამცველებს, ეს არის სიცრუე და სასამართლო განხილვების ბოლოს დამტკიცდება", - განაცხადა ამირან გულუაშვილმა.
ბრალდებულების ერთ-ერთი ადვოკატის დავით ხაჟალიას თქმით კი, დღეს დაკითხული არც ერთი მოწმე სპეცოპერაციის თვითმხილველი არ არის.
კორტების სპეცოპარციის საქმეზე ბრალდების მხარის დაკითხვის ეტაპით სასამართლო სხდომა 10 სექტემბერს, 11:00 საათზე განახლდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
