პაპუა-ახალი გვინეის სანაპიროებთან ძლიერი მიწისძვრა მოხდა

პაპუა-ახალი გვინეის სანაპიროებთან 7,7 მაგნიტუდის სიმძლავრის მიწისძვრა მოხდა. სტიქიის შედეგად დაღუპულებისა და დაშავებულების შესახებ ინფორმაცია ჯერჯერობით არ ვრცელდება.

აშშ-ის გეოლოგიური სამსახურის ცნობით, მიწისძვრის ეპიცენტრი ქალაქ ტარონიდან 45 კილომეტრში დაფიქსირდა. წყნარი ოკეანის გამაფრთხილებელი ცენტრის ინფორმაციით, ძლიერი მიწისქვეშა ბიძგების გამო ეპიცენტრიდან 1000 კილომეტრში შესაძლოა, ცუნამი წარმოიშვას. საფრთხე ემუქრება პაპუა-ახალი გვინეისა და სოლომონის კუნძულების სანაპიროებს.

"ინტერპრესნიუსი"