"მელორ ვაჩნაძე და ლევან გოგიჩაიშვილი გაფიცულ რკინიგზელებს ემუქრებიან"
მელორ ვაჩნაძე და ლევან გოგიჩაიშვილი იმუქრებოდნენ, რომ ირაკლი პეტრიაშვილს ფეხებით ჩამოკიდებდნენ, - ამის შესახებ პროფკავშირების გაერთიანების ხელმძღვანელის მოადგილე გოჩა ალექსანდრიამ დღეს გამართულ პრესკონფერენციაზე ისაუბრა.
მისი ინფორმაციით, წუხელ, თბილისის სალოკომოტივო დეპოში რკინიგზის დეპარტამენტის ხელმძღვანელობა და კიდევ რამდენიმე პირი იმყოფებოდა. ისინი ადგილზე საპატრულო ეკიპაჟებთან ერთად მივიდნენ და შეეცადნენ, პროვოკაცია მოეწყოთ რკინიგზის გაფიცული თანამშრომლებისთვის.
გოჩა ალექსანდრიას ინფორმაციით, პირადად ლევან გოგიჩაიშვილი და მელორ ვაჩნაძე ემუქრებოდნენ რკინიგზის გაფიცულ თანამშრომლებს, რომ იმ შემთხვევაში, თუ ისინი გაფიცვას არ შეწყვეტდნენ, სერიოზული პრობლემების წინაშე დადგებოდნენ.
ალექსანდრიას განცხადებით, პროცესებში აუცილებელია მთავრობის ჩართვა. მისივე მტკიცებით, ახალი სახელფასო სისტემა მთავრობის მოსაგვარებელია. დეპარტამენტი ყველას უმტკიცებს, რომ ახალი სახელფასო სქემა დაკლებას არ ითვალისწინებს, თუმცა ამაზე პირობას არავინ არ გვაძლევს".
რკინიგზის სალოკომოტივო დეპოში დაპირისპირებაზე რკინიგზის ახალი პროფკავშირების წარმომადგენლებიც საუბრობენ.
თეიმურაზ ბერაძის ინფორმაციით, სალოკომოტივო დეპოში ალექსანდრე ნიკოლეიშვილი, გურამ გურამიშვილი, დაჩი ცაგურია და მელორ ვაჩნაძე იმყოფებოდნენ.
ორი დღეა, რკინიგზელთა ნაწილი ხელფასების გაზრდის მოთხოვნით გაფიცულია.
ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
