კაცი დააპატიმრეს მას შემდეგ, რაც ყოფილ შეყვარებულს 21 807-ჯერ დაურეკა

ფრანგმა მამაკაცმა, რომლის ვინაობაც არ სახელდება, დაარღვია სტერეოტიპი, რომ ფრანგი კაცები თავდაჭერილები არიან - მან ყოფილ შეყვარებულს 21 000-ჯერ დაურეკა. სატელეფონო ზარები 10 თვის მანძილზე არ წყდებოდა, რაც ნიშნავს, რომ დღეში მამაკაცი მინიმუმ 73-ჯერ ურეკავდა ყოფილ გულისსწორს. კაცმა შეყვარებულის ბინა გაარემონტა, როდესაც ერთად იყვნენ და უნდოდა ფულის უკან დაბრუნება ან მინიმუმ, გაწეული შრომისა და დახარჯული დროისთვის მადლობის მიღება.

ქალმა ტელეფონის ნომერი გამოცვალა და მისი ნომერიც დაბლოკა, მაგრამ მიტოვებული სატრფო სახლის და სამსახურის ნომერზე აგრძელებდა რეკვას. სასამართლო პროცესზე ქალმა მადლობა გადაუხადა მამაკაცს და მას შემდეგ ზარებიც აღარ განმეორებულა.