28
აპრილიდღის ზოგადი ასტროლოგიური პროგნოზი
ცხელი ზაფხულის პირობებში კონდიციონერის გარეშე გაძლება თითქმის შეუძლებელია. ბევრი ოჯახი ამ მოწყობილობას ძალიან კომფორტულად იყენებს, მაგრამ ისინი, ვისაც შინ პატარა ბავშვი ჰყავს, ოთახის ხელოვნურად გაგრილებას ერიდება. გავრცელებულია აზრი, რომ ბავშვისთვის კონდიციონერთან დიდი ხნით გაჩერება მავნებელია.
სინამდვილეში რამდენად უსაფრთხოა ეს მოწყობილობა და როგორ უნდა გამოიყენონ იგი ბავშვიანმა ოჯახებმა.
გამოიყენეთ სწორად
გახსოვდეთ კონდიციონერის გამოყენების მთავარი წესი - ოთახში არ უნდა გციოდეთ. გაგრილება იმას არ ნიშნავს, რომ ბავშვის ჩაფუთვნა გახდეს საჭირო. ამ მოწყობილობის მიზანია, საშუალო ტემპერატურა შეინარჩუნოს, არც უნდა გცხელოდეთ, არც გციოდეთ.
ბავშვის ორგანიზმს კარგი თავისებურება ახასიათებს - სადაც მოხვდება, იმ გარემოში ადაპტირება შეუძლია. რაც უფრო პატარაა ბავშვი, მით უფრო მაღალი შეგუების უნარი აქვს.
თუ ბავშვი ეს-ეს არის სამშობიაროდან მიიყვანეთ და ოთახში +24 გრადუსი და იდეალური სისუფთავე დაახვედრეთ, ის ძალიან კარგად იგრძნობს თავს, თუმცა კარგად იქნება ხოლმე მხოლოდ ამ პირობებში.
თუ ისეთ პირობებში მოვათავსებთ, სადაც ხან ცხელა, ხან გრილა, ხან სისუფთავეა, ხან არეულობა, ბავშვი სხვადასხვა გარემოში ადაპტირებას მოახერხებს. წარმოიდგინეთ, ადამიანი, რომელიც ქუჩიდან, სადაც +30 გრადუსია, პირველად მოხვდა კონდიციონერიან ოთახში, სადაც თერმომეტრი +18 გრადუსს უჩვენებს. მისი სისხლძარღვები ადაპტირებას ვერ მოასწრებს და გაცივდება. აქედან გამომდინარე, ბავშვისთვის უკეთესია, თუ ადრეული ასაკიდანვე შეეგუება მას.
იხილეთ სრულად
