მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ოთხშაბათი, მთვარის ოცდამეხუთე დღე დაიწყება 04:59-ზე, მთვარე 09:03-ზე გადავა თევზების ზოდიაქოში
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. ამ დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. არ გირჩევთ ოპერაციის ჩატარებას ღვიძლზე, ფეხებზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
7 ყველაზე პოპულარული თურქული სერიალი მსოფლიოში
09:38 / 29-04-2014
თუ ადრე მსოფლიო სატელევიზიო სივრცეში ლიდერი პოზიცია ბრაზილიურ სერიალებს ეკავა, ის ახლა თურქულმა სერიალებმა ჩაანაცვლა.
თურქულ სერიალებს მსოფლიოს მრავალ ქვეყანაში, მათ შორის, საქართველოში თავისი ერთგული მაყურებელი ჰყავს. თურქმა მსახიობებმა კი მილიონობით მაყურებლის გული დაიპყრეს.
პირველი ქართული ტელეარხი, რომელმაც თურქული სერიალები ქართულ ენაზე შესთავაზა მაყურებელს, პალიტრა TV იყო. შეიძლება ითქვას, რომ "ეზელით", რომელიც პალიტრა TV-ს საღამოს ეთერში გასული წლის მაისში გამოჩნდა, ქართულ ტელესივრცეში "თურქული სერიალების ხანა" დაიწყო.
დღეისათვის თურქულ სერიალებს მსოფლიოს 50 ქვეყანაში აჩვენებენ. 2013 წელს თურქული სერიალები პირველად შევიდა უკრაინაში, პაკისტანში, რუსეთსა და ჩინეთში. მაყურებლის ყველაზე დიდი მოწონება ტელესერიალმა "ვერცხლმა" დაიმსახურა, რომელიც მარტო შუა აღმოსავლეთში 84 მილიონზე მეტმა მაყურებელმა იხილა. თურქული საპნის ოპერები ყველაზე პოპულარული არაბეთშია. რაც შეეხება მაკედონიას, აქ, სპეციალურ კანონპროექტზეც კი მუშაობდნენ, რომელიც თურქული სერიალების ეროვნული პროგრამებით ჩანაცვლებას გულისხმობდა. როგორც Habertürk წერს, ეს გადაწყვეტილება თურქული სერიალების საზოგადოებაზე გავლენით აიხსნება. თურქული სერიალები ასევე დიდი პოპულარობით სარგებლობს ბულგარეთში, საბერძნეთში, სლოვაკეთში. რაც შეეხება შვედეთს, ადგილობრივი ტელეარხის SVT-ის ეთერში თურქული სერიალი "ვაჟი" გადის. განსაკუთრებული პოპულარობა თურქულმა სერიალებმა ავღანეთსა და ირანში მოიპოვა.როგორც ვებსაიტი imdb.com წერს, ყველაზე პოპულარული სერიალებია: "ეზელი", "დიდებული საუკუნე", "უდანაშაულო", "აკრძალული სიყვარული", "ლეილა და მაჯნუნი", "20 წუთი", "სიყვარული და სასჯელი".
როგორც aljazeera.com-ის ჟურნალისტი ნინა მარია პაშკალიდოუ წერს, საბერძნეთში უამრავი ქალი მოუთმენლად ელის, როდის დაიწყება მათთვის საყვარელი თურქული სერიალი. როგორც ჟურნალისტი წერს, მილიონობით ადამიანს შორის ერთ-ერთი ყველაზე ერთგული მაყურებელი მისი 84 წლის ბებია მარიკაა, რომელიც მთელი დღე მოუთმენლად ელის, როდის გამოჩნდება ეკრანზე ონური.
როგორც ჟურნალისტი წერს, ასეთივე ენთუზიაზმით შესცქერის ტელეეკრანს მისი სირიელი მეგობარი ამირა. მისი თქმით, თურქულმა სერიალმა "უდანაშაულომ", სადაც სიუჟეტი ახალგაზრდა გოგონას, ფატმანგულის გარშემო ვითარდება, რომელიც გააუპატიურეს და დამნაშავეების დასჯას ითხოვს, არაბ ქალებში აღძრა გრძნობა, რომ ძალადობის წინააღმდეგ დროა ხმა აიმაღლონ. გამოცემა BBC ამ თემას სტატიას, სათაურით - "თურქული საპნის ოპერის ძალის აღზევება" უძღვნის.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
