მნიშვნელოვანი ინფორმაცია
27
აპრილიდღის ზოგადი ასტროლოგიური პროგნოზი
ორშაბათი, მთვარის მეორე დღე დაიწყება 05:38-ზე, მთვარე კუროშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად, საქმიანობის, სამსახურის შესაცვლელად. უფროსთან შეხვედრა სიკეთეს არ მოგიტანთ. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ყვარლის გამგებლის პირველი კომენტარი თანამდებობიდან გადაყენების შემდეგ
08:25 / 26-04-2014
დავით ქევხიშვილი ყვარლის გამგებლის თანამდებობიდან გადაყენების თაობაზე, საკრებულოს გადაწყვეტილებას სასამართლოში გაასაჩივრებს, - ამის შესახებ ქევხიშვილმა "ინტერპრესნიუსს" განუცხადა.
მისი თქმით, საკრებულოს გადაწყვეტილება იმ ზეწოლის შედეგად არის მიღებული, რომელიც საკრებულოს წევრებზე ხორციელდებოდა.
"რამდენჯერმე იყო ჩემი გათავისუფლების მცდელობა, რაც თავის დროზე ვერ შეძლეს, რადგან იმ კონკრეტულ მომენტში ყველაზე ვერ მოახდინეს ზეწოლა. შემდეგ სხვა ფორმა მოიფიქრეს, თუმცა სასამართლომ არ დააკმაყოფილა მათი მოთხოვნა, შემდეგ რამდენიმე გამოძიება დაიწყეს და ამ შემთხვევაშიც ვერ ნახეს საბაბი. ბოლოს მაქსიმალურად გამოიყენეს თავისი ბერკეტი და შედეგს მიაღწიეს ", - განაცხადა დავით ქევხიშვილმა.
მისივე თქმით, საკრებულოს წევრებზე ზეწოლა განახორციელეს გარკვეულმა ჯგუფებმა, რომლებსაც სურვილი აქვთ, რაიონში აკონტროლებდნენ პოლიტიკურ სიტუაციას და მმართველობას.
"ჩემთვის ნაკლები მნიშვნელობა აქვს, ვისთან არიან დაკავშირებული ეს ჯგუფები, სათანადო პასუხს მათ, ადრე თუ გვიან, აუცილებლად გავცემთ. გაკვირვებას იწვევს ის ფაქტი, რომ ჩემი თანაგუნდელების მხრიდან, ელემენტარულად არ ხდება ინფორმაციის მოსმენაც კი, რომ კომენტარი გააკეთონ. იფარგლებიან შაბლონური კომენტარებით,- თუ კი დამნაშავეა, ჩვენია თუ სხვისია, უნდა დაისაჯოსო, - განაცხადა ქევხიშვილმა.
რაც შეეხება საჩივრის მომზადებას, მისი თქმით, როგროც ძიუდოს ფედერაციის პრეზიდენტი, საფრანგეთში მიემგზავრება ევროპის ჩემპიონატზე დასასწრებად და საქართველოში დაბრუნების შემდეგ, მომავალ კვირაში, საჩივარს მოამზადებს.
ყვარლის უკვე ყოფილ გამგებელს დავით ქევხიშვილს გურჯაანის რაიონულმა სასამართლომ 100 ლარიანი ჯარიმა შეუფარდა. მასთან ერთად დაკავებულ 17 პირს კი 400-400 ლარის გადახდა დაეკისრა. პროცესი გუშინ 8 საათის განმავლობაში მიმდინარეობდა.
ყოფილი გამგებელი გუშინ წვრილმანი ხულიგნობის ბრალდებით დააკავეს. მას საქართველოს ადმინისტრაციულ სამართალდარღვევათა კოდექსის 166-ე მუხლით ედება ბრალი. დაკავება საკრებულოს სხდომის შემდეგ მომხდარ ინციდენტს მოჰყვა, როდესაც ყვარლის გამგებლის, დავით ქევხიშვილის მხარდამჭერები საკრებულოს წევრ თამაზ გუგუშვილს სიტყვიერად დაუპირისპირდნენ და კვერცხები ესროლეს.
ამასთან, ქევხიშვილის მომხრეების ამ ფაქტს "ქართული ოცნების" შიგნით არსებულ დაპირისპირებას უკავშირებენ და აცხადებენ, რომ თანამდებობიდან მოხსნით შს მინისტრის მოადგილე გიორგი ზედელაშვილია დაინტერესებული.
ამასთან, საკრებულომ ქევხიშვილს გმაგებლის უფლებამოსილება შეუჩერა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
მსოფლიო ლიდერები, სამეფო ოჯახი და ათასობით ადამიანი ვატიკანში - კადრები რომის პაპის დაკრძალვის ცერემონიიდან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
