როგორი ბებიები არიან ზოდიაქოს ნიშნები

დიახ, ასტროლოგიამ თქვენს შესახებ ყველაფერი იცის. თუნდაც როგორი ბებია იქნებით! განვიხილოთ ზოდიაქოს ნიშნების (მომავალი და ახლანდელი) ბებიების დეტალური პორტრეტი.

ვერძი

როგორც წესი, სიბერემდე აქტიურები და მოძრავები არიან. წინდების ქსოვა და ზღაპრების მოყოლა მათი საქმე არაა. ვერძ ბებიასთან ერთად შეგიძლიათ პარკში ველოსიპედით ან გორგოლაჭებით გასეირნება, აუზსა და ბატუტებზე წასვლა. შვილიშვილები ბევრს ისწავლიან ვერძი ბებიისგან და როგორც ყოველთვის, მისი აზრი ყველაზე ღირებული და სწორია.

კურო

ყველას ოცნების ბებიაა, რომელიც თბილ წინდებს ქსოვს, ღვეზელებს აცხობს, გეფერებათ და საშინაო დავალების შესრულებაში გეხმარებათ. კურო ყოველთვის ორიენტირებულია ოჯახსა და სახლის კომფორტზე, ამიტომაც ძალიან გულწრფელი, კეთილი და ბრძენი ბებიები არიან.

ტყუპი

ბებია ტყუპს საკმარისზე მეტი ენერგია და სიცოცხლის სიყვარული აქვს. გასწავლით კითხვას, ინტელექტუალურ თამაშებს, გატარებთ ექსკურსიებზე, თუმცა, არ უნდა ელოდოთ, რომ მთლიანად საკუთარ თავზე აიღებს "ბებიის" საქმეებს, რადგან მისი ცხოვრება პენსიაზე გასვლის შემდეგაც საინტერესოდ “დუღს“.

კირჩხიბი

კირჩხიბები მშვენიერი ბებიები არიან: მზრუნველნი და მგრძნობიარენი. მართალია, ზოგჯერ მათი თანაგრძნობა შეიძლება დამღლელი ჩანდეს, კარგად გაგაცნობთ წინაპრებს, სამშობლოს ისტორიას, მოგიმზადებთ ტრადიციულ კერძებს და მოგიწყობთ ექსკურსიებს მშობლიურ კუთხეში.

ლომი

ლომი ბებია იმდენად ამაყობს შვილიშვილებით, რომ მზადაა მთელი დღეები გაატაროს მათ საგანმანათლებლო საქმიანობაში. რა თქმა უნდა, ამ პატარა ანგელოზებს ასეთი მშვენიერი გენები აქვთ! ემოციური და გულუხვი, ლომი ბებია შვილიშვილების ნამდვილი მეგობარი ხდება.

ქალწული

ქალწული ბებია გააკონტროლებს ყველაფერს: აგიხსნით მათემატიკის ამოცანას, უცხო ენის სავარჯიშოს და დაგეხმარებათ ხელსაქმის ათვისებაში. ის მკაცრი ერთი შეხედვით ჩანს, სინამდვილეში ოქროს გული აქვს, რომელიც მთლიანად მის შვილიშვილებს ეკუთვნის.

სასწორი

რბილი და ნაზი სასწორი ბებიები რაც არ უნდა მოხდეს, ყოველთვის შვილიშვილების მხარეს არიან. არ ჰყავთ ფავორიტები, ყველას ერთნაირად აღმერთებენ და მზად არიან უსასრულოდ განებივრონ ისინი. დაჰყავთ თეატრში, გამოფენებზე, ბავშვობიდან აზიარებენ შვილიშვილებს სილამაზეს და ესთეტიკას. ასწავლიან უსიამოვნების დიპლომატიურად მოგვარებას

მორიელი

გამჭრიახ და გამომგონებელ მორიელ ბებიას ურჩევნია შვილიშვილის ცხოვრების ყველა სფერო თავად გააკონტროლოს, რათა მშვიდად იყოს. ზოგადად, წარმოუდგენლად ამაყობს თავისი შვილიშვილებით და მზადაა შეებრძოლოს ნებისმიერს, ვისაც მათში ეჭვი შეეპარება.

მშვილდოსანი

ახალგაზრდობაში მშვილდოსნები თავგადასავლების მოყვარულები და ენერგიულები არიან, მაგრამ როგორები არიან ისინი სიბერეში? დიახ, ზუსტად ასეთებივე! აქტიურ, უშიშარ და ხალისიან ბებიასთან შეგიძლიათ დაივიწყოთ მოწყენილობა და რუტინა.

თხის რქა

თხის რქა ბებიებმა ყველაფერი იციან დისციპლინისა და შრომისმოყვარეობის შესახებ. ისინი არ არიან მიდრეკილნი გააფუჭონ შვილიშვილები საჩუქრებით ან ტკბილეულით, მაგრამ ყოველთვის მზად არიან მოუსმინონ და მისცენ პრაქტიკული რჩევები.

მერწყული

კრეატიული და დაუღალავი მერწყული ბებიები მზად არიან, შვილიშვილებთან იმეგობრონ. არავინ იცის ზღაპრების მოყოლა, ისტორიების გამოგონება და საბნებით სახლების აშენება ისე მიმზიდველად, როგორც მან. ექსპერიმენტები და მეცნიერება მათი სტიქიაა და შვილიშვილსაც დროის საინტერესო გატარება ელის მასთან.

თევზები

გულკეთილი თევზები ბებია ყოველთვის დაეხმარება შვილიშვილებს და მხარს დაუჭერს მათ ნებისმიერ სიტუაციაში. თევზები ბებიას შესანიშნავი ინტუიცია აქვს, მის გვერდით ბავშვი თავს თბილად და მყუდროდ გრძნობს. ბებია მოუყვება ჯადოსნურ ზღაპრებს, ასწავლის ხატვას და ლექსებს და ცოტა ჯადოქრობასაც, თუნდაც სამზარეულოში.