8 ივნისის იუბილარი
ივნისის თვეს სხვაგვარად ქალღმერთ იუნონას თვედაც მოიხსენიებენ. იუნონა რომაულ მითოლოგიაში ქორწინების, დედობისა და ზოგადად ქალური საწყისის მფარველ ღვთაებად ითვლებოდა. მისი პროტოტიპი ბერძნულ მითოლოგიაშიც გვხვდება ქალღმერთი ჰერას სახით. ასტროლოგიურად კი იუნონა პარტნიორულ ურთიერთობებს განაგებს. მისი ტრანზიტები მიანიშნებს ქორწინების, განქორწინების ალბათობას ან ოჯახური სიტუაციის მოსალოდნელ ცვლილებებს. იუნონას მფარველობაში მყოფი ივნისის თვე კი, ორ საკმაოდ განსხვავებულ ზოდიაქოს ნიშანს აერთიანებს. მოუსვენარ, კომუნიკაბელურ, ცნობისმოყვარე და ცოტა არ იყოს ზედაპირულ ტყუპს და ფრთხილ, ბუტია, უზომოდ სენსიტიურ კირჩხიბს.
როგორია 8 ივნისს დაბადებული ადამიანი
8 ივნისს დაბადებული ადამიანები, გამოკვეთილი ინდივიდუალისტები და ამბიციური პერსონები არიან. მათ ელვის უსწრაფესად მოსდით თავში ათასგვარი, კრეატიული იდეა და მზად არიან საკუთარი ჩანაფიქრი უმალ მოიყვანონ სისრულეში. თუმცა პრობლემას ხშირად ქმნის ის, რომ ზემოთ ხსენებული ინდივიდუალიზმის გამო, მათ უჭირთ გუნდური მუშაობა. მარტო კი საქმეს თავს სრულფასოვნად ვერასოდეს ართმევენ.