28 ივნისის იუბილარი
ივნისის თვეს სხვაგვარად ქალღმერთ იუნონას თვედაც მოიხსენიებენ. იუნონა რომაულ მითოლოგიაში ქორწინების, დედობისა და ზოგადად ქალური საწყისის მფარველ ღვთაებად ითვლებოდა. მისი პროტოტიპი ბერძნულ მითოლოგიაშიც გვხვდება ქალღმერთი ჰერას სახით. ასტროლოგიურად კი იუნონა პარტნიორულ ურთიერთობებს განაგებს. მისი ტრანზიტები მიანიშნებს ქორწინების, განქორწინების ალბათობას ან ოჯახური სიტუაციის მოსალოდნელ ცვლილებებს. იუნონას მფარველობაში მყოფი ივნისის თვე კი, ორ საკმაოდ განსხვავებულ ზოდიაქოს ნიშანს აერთიანებს. მოუსვენარ, კომუნიკაბელურ, ცნობისმოყვარე და ცოტა არ იყოს ზედაპირულ ტყუპს და ფრთხილ, ბუტია, უზომოდ სენსიტიურ კირჩხიბს.
როგორია 28 ივნისს დაბადებული ადამიანი
28 ივნისს დაბადებული ადამიანები, გასაოცარი იუმორის გრძნობითა და გამჭრიახობით გამოირჩევიან. მათ აქვთ უნარი, ნებისმიერ ადამიანთან შევიდნენ უშუალო კონტაქტში და საკუთარი კომუნიკაბელურობით დადებითი შთაბეჭდილება დატოვონ გარშემო მყოფების თვალში. სასურველია, თუ ამ ადამიანებს მკაცრად განსაზღვრული სამუშაო გრაფიკი ექნებათ, იმიტომ რომ მათთვის ცხოვრება საცირკო ბალაგანს ჰგავს, რაც, რაღა თქმა უნდა, ზოგჯერ ხელის შემშლელი ფაქტორია წარმატების მისაღწევად. იუმორი კარგია, მაგრამ რეალობასაც უნდა გაუსწოროთ თვალი.