22 ივნისის იუბილარი
ივნისის თვეს სხვაგვარად ქალღმერთ იუნონას თვედაც მოიხსენიებენ. იუნონა რომაულ მითოლოგიაში ქორწინების, დედობისა და ზოგადად ქალური საწყისის მფარველ ღვთაებად ითვლებოდა. მისი პროტოტიპი ბერძნულ მითოლოგიაშიც გვხვდება ქალღმერთი ჰერას სახით. ასტროლოგიურად კი იუნონა პარტნიორულ ურთიერთობებს განაგებს. მისი ტრანზიტები მიანიშნებს ქორწინების, განქორწინების ალბათობას ან ოჯახური სიტუაციის მოსალოდნელ ცვლილებებს. იუნონას მფარველობაში მყოფი ივნისის თვე კი, ორ საკმაოდ განსხვავებულ ზოდიაქოს ნიშანს აერთიანებს. მოუსვენარ, კომუნიკაბელურ, ცნობისმოყვარე და ცოტა არ იყოს ზედაპირულ ტყუპს და ფრთხილ, ბუტია, უზომოდ სენსიტიურ კირჩხიბს.
როგორია 22 ივნისს დაბადებული ადამიანი
22 ივნისს დაბადებული ადამიანები, უზომოდ ემოციურები და მეოცნებეები არიან. ამიტომ, ხშირად ახასიათებთ მიდრეკილება ნებისმიერი მოვლენა განსაკუთრებული სიმძაფრითა და დრამატიზმით აღიქვან. მათთვის ცხოვრება ზღაპრულ მოგზაურობას ჰგავს და ხშირად თავად ეძებენ ხოლმე სხვადასხვა სახის თავგადასავალს. თუმცა ზოგიერთი მათგანი, არცთუ სახარბიელო შედეგის მომტანია ამ ხალხის ცხოვრებაში.