19 ივნისის იუბილარი
ივნისის თვეს სხვაგვარად ქალღმერთ იუნონას თვედაც მოიხსენიებენ. იუნონა რომაულ მითოლოგიაში ქორწინების, დედობისა და ზოგადად ქალური საწყისის მფარველ ღვთაებად ითვლებოდა. მისი პროტოტიპი ბერძნულ მითოლოგიაშიც გვხვდება ქალღმერთი ჰერას სახით. ასტროლოგიურად კი იუნონა პარტნიორულ ურთიერთობებს განაგებს. მისი ტრანზიტები მიანიშნებს ქორწინების, განქორწინების ალბათობას ან ოჯახური სიტუაციის მოსალოდნელ ცვლილებებს. იუნონას მფარველობაში მყოფი ივნისის თვე კი, ორ საკმაოდ განსხვავებულ ზოდიაქოს ნიშანს აერთიანებს. მოუსვენარ, კომუნიკაბელურ, ცნობისმოყვარე და ცოტა არ იყოს ზედაპირულ ტყუპს და ფრთხილ, ბუტია, უზომოდ სენსიტიურ კირჩხიბს.
როგორია 19 ივნისს დაბადებული ადამიანი
19 ივნისს დაბდებული ადამიანები, გასაოცარი ფსიქოლოგიური ზემოქმედების ნიჭითა და ოპტიმიზმით გამოირჩევიან. მათ აქვთ უნარი სტიმული მისცენ და მომავლის იმედი ჩაუნერგონ სხვა, გაცილებით უფრო სკეპტიკურად განწყობილ პიროვნებებს. თუმცა ზოგჯერ ისეც ხდება, რომ მათი უზრუნველი იმიჯი გაღიზიანებასაც იწვევს გაცილებით უფრო ცივი გონების მქონე ადამიანებში.