19 ივლისის იუბილარი

ივლისი ე.წ. სამეფო თვის სიმბოლიკითაც ხასიათდება. ივლისის თავდაპირველ სახელწოდებად, ქუინტილუს Quintilis (ლათ. quintus – «ხუთი») იყო მიჩნეული. თუმცა უკვე ჩვ. წელთაღრიცხვამდე 45 წელს, ოქტავიანე ავგუსტუსის ინიციატივით ამ თვეს სახელი შეეცვალა და იწოდა ივლისად, ოქტავიანეს წინამორბედის – რომის იმპერატორ იულიუს ცეზარის პატივსაცემად, რომელიც სწორედ ამ თვეში გახლდათ დაბადებული. ასტროლოგიური თვალსაზრისით, ივლისი ორ ზოდიაქოს ნიშანს – კირჩხიბსა და ლომს აერთიანებს, ორივე მათგანი კი თავის მხრივ სრულად ამართლებს ივლისის პერსონიფიკაციას – კირჩხიბი თავისი სულიერი სითბოთი და ემოციურობით, ლომი კი დიდსულოვნებითა და მეფური ხასიათით.

როგორია 19 ივლისს დაბადებული ადამიანი

19 ივლისს დაბადებული ადამიანები დახვეწილი მანერებითა და თავის ფლობის უნარით გამოირჩევიან. მათ შესანიშნავად ეხერხებათ საკუთარი პერსონის მომგებიანად "შეფუთვა" და საზოგადოების წინაშე წარდგენა. თუკი თანდაყოლილ სიფიცხესა და მოუთმენლობას დააბალანსებენ, მათგან შესანიშნავი პოლიტიკოსები და საზოგადო მოღვაწეები დადგებიან.