17 ოქტომბრის იუბილარი
ოქტომბერი თანამედროვე კალენდრით მეათე, ხოლო ძველრომაული კალენდრის მიხედვით მერვე თვეა. მისი სახელწოდებაც სწორედ აქედან მოდის (ლათ. Octo - რვა). ასტროლოგიური კუთხით ოქტომბრის თვეს ორი ზოდიაქოს ნიშანი „იყოფს“ - ჰარმონიული, სილამაზისა და ესთეტიკის მოყვარული სასწორი და დესტრუქციული, პრინციპული და რთული მორიელი, რომელიც სხვათა შორის ზოდიაქოს მერვე ნიშნად გახლავთ მიჩნეული, რაც სრულიად შეესიტყვება ოქტომბრის ძველრომაულ პერსონიფიკაციას. ზოგადად რვიანი ხომ ტრანსფორმაციისა და გარდასახვის ენერგეტიკის მქონე რიცხვად გახლავთ მიჩნეული ნუმეროლოგიაში.
როგორია 17 ოქტომბერს დაბადებული ადამიანი
17 ოქტომბერს დაბადებული ადამიანები რისკისა და ფათერაკის მოყვარულები არიან. მათში გამძაფრებული დოზითაა ექსტრიმის სიყვარული, რის გამოც ამ ხალხის უმრავლესობა ხშირად ისეთ პროფესიას ირჩევს, რომელიც გარკვეულწილად მაინც უკავშირდება რისკს – მაგალითად კასკადიორის, მაშველის, ქირურგის პროფესია. თუმცა, ხიფათის სიყვარულს, ზოგჯერ იქამდე მიჰყავს ეს ხალხი, რომ შეიძლება სიმამაცე გაუაზრებელ საქციელში გადაეზარდოთ და ამით საკუთარ თავთან ერთად, სხვებიც დააზარალონ.