15 ოქტომბრის იუბილარი
ოქტომბერი თანამედროვე კალენდრით მეათე, ხოლო ძველრომაული კალენდრის მიხედვით მერვე თვეა. მისი სახელწოდებაც სწორედ აქედან მოდის (ლათ. Octo - რვა). ასტროლოგიური კუთხით ოქტომბრის თვეს ორი ზოდიაქოს ნიშანი „იყოფს“ - ჰარმონიული, სილამაზისა და ესთეტიკის მოყვარული სასწორი და დესტრუქციული, პრინციპული და რთული მორიელი, რომელიც სხვათა შორის ზოდიაქოს მერვე ნიშნად გახლავთ მიჩნეული, რაც სრულიად შეესიტყვება ოქტომბრის ძველრომაულ პერსონიფიკაციას. ზოგადად რვიანი ხომ ტრანსფორმაციისა და გარდასახვის ენერგეტიკის მქონე რიცხვად გახლავთ მიჩნეული ნუმეროლოგიაში.
როგორია 15 ოქტომბერს დაბადებული ადამიანი
15 ოქტომბერს დაბადებული ადამიანები თანდაყოლილი ინტელექტითა და სიბრძნით გამოირჩევიან. მათ ახასიათებთ მთელი ცხოვრების მანძილზე ერუდიციისკენ დაუღალავი სწრაფვა, რის ხარჯზეც ისინი საკმაოდ დიდ გავლენას ფლობენ გარშემო მყოფ ხალხზე. თუმცა ცდუნებას, ამპარტავნების მწარე სენით არ დაავადდნენ საყოველთაო აღიარების გამო, ბევრი მათგანი ხშირად მიჰყავს ნერვულ აშლილობამდე. ამიტომ მათთვის აუცილებელია მეტი თავმდაბლობა და ლმობიერება.