12 ივნისის იუბილარი
ივნისის თვეს სხვაგვარად ქალღმერთ იუნონას თვედაც მოიხსენიებენ. იუნონა რომაულ მითოლოგიაში ქორწინების, დედობისა და ზოგადად ქალური საწყისის მფარველ ღვთაებად ითვლებოდა. მისი პროტოტიპი ბერძნულ მითოლოგიაშიც გვხვდება ქალღმერთი ჰერას სახით. ასტროლოგიურად კი იუნონა პარტნიორულ ურთიერთობებს განაგებს. მისი ტრანზიტები მიანიშნებს ქორწინების, განქორწინების ალბათობას ან ოჯახური სიტუაციის მოსალოდნელ ცვლილებებს. იუნონას მფარველობაში მყოფი ივნისის თვე კი, ორ საკმაოდ განსხვავებულ ზოდიაქოს ნიშანს აერთიანებს. მოუსვენარ, კომუნიკაბელურ, ცნობისმოყვარე და ცოტა არ იყოს ზედაპირულ ტყუპს და ფრთხილ, ბუტია, უზომოდ სენსიტიურ კირჩხიბს.
როგორია 12 ივნისს დაბადებული ადამიანი
12 ივნისს დაბადებული ადამიანები, თანდაყოლილი სიამაყითა და გრაციოზულობით გამოირჩევიან. მათი სიმშვიდე და ოპტიმისტური განწყობა ძალიან გადამდებია და ისინი ხშირად ახერხებენ სხვებსაც ჩაუნერგონ საკუთარი საქციელით, უკეთესი მომავლის იმედი. თუმცა, გამომდინარე იქიდან, რომ ხშირად გრანდიოზულ მიზნებთან უყვართ შეჭიდება, მნიშვნელოვან წვრილმანებს ვეღარ ამჩნევენ ცხოვრებაში.