!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
25
აპრილიდღის ზოგადი ასტროლოგიური პროგნოზი
ყოფილი პრემიერ-მინისტრის ზურაბ ჟვანიას მეუღლე ნინო ქადაგიძე ყოფილ პრეზიდენტს მიხეილ საკააშვილს სიცრუეში ადანაშაულებს.
სააკაშვილთან გამართული შეხვედრის დეტალების დაკონკრეტებისგან "ინტერპრესნიუსთან" საუბრისას ქადაგიძემ თავი შეიკავა და აღნიშნა, რომ ამ თემაზე დღეს სპეციალურ ბრიფინგზე ისაუბრებს.
თუმცა, როგორც გარდაცვლილი პრემიერის მეუღლე აცხადებს, სააკაშვილმა იცრუა, რადგან შეხვედრაზე ისე არ იყო, როგორც ექსპრეზიდენტმა ილაპარაკა.
"რა შუაში იყო 10 წლის წინ მე რა ვუთხარი სააკაშვილს?! რა კავშირშია საერთოდ?! სულ სხვა კონტექსტში იყო ყველაფერი. გახსოვთ, ოდესმე, მე ტყუილი მითქვამს?! ყველაფერზე ხვალ ვისაუბრებ!", - აღნიშნა გუშინ ქადაგიძემ.
მისივე შეფასებით, ამჟამად არსებული აჟიოტაჟი არის ზეწოლა გამოძიებაზე და მნიშვნელოვანია დამოუკიდებელმა ექსპერტიზამ სამუშაოები შეასრულოს და დასკვნა დადოს.
საქართველოს ყოფილი პრეზიდენტი მიხეილ სააკაშვილი ყოფილი პრემიერ-მინისტრის, ზურაბ ჟვანიას მეუღლე ნინო ქადაგიძესთან შეხვედრის დეტალებს იხსენებს.
ამ შეხვედრის შესახებ ყოფილმა პრეზიდენტმა ტელეკომპანია "რუსთავი 2"-სთვის მიცემულ ინტერვიუში ისაუბრა და აღნიშნა, რომ ეს იყო მიზეზი, რის გამოც იგი ზურაბ ჟვანიას დედას აღარ ნახულობდა.
"როცა ზურაბი გარდაიცვალა, რამდენიმე ხნის შემდეგ უცნაური რაღაცეების ლაპარაკი დაიწყეს მისმა ოჯახის წევრებმა - მისმა ძმამ, მეუღლემ. მეუღლეს ვთხოვე, რომ ჩემთან მოსულიყო, მოვიდა. მე ვუთხარი, რაზეა ლაპარაკი, ნინო, შენ ხომ იყავი ადგილზე, სადაც ეს მოხდა, ნახე ყველაფერი, რაც მოხდა, ყველაფერს ესწრებოდი, შენ გგონია, რომ ვინმე რამეს მალავს ან სხვანაირად არის თუ..., არა, არა მგონიაო - თქვა, შენთან რა პრეტენზია შეიძლება მქონდესო. მაგრამ არასოდეს დამავიწყდება რაც მითხრა: ხომ იცი, ზურას როგორც ყველა პოლიტიკოსს, ბევრი ფული ჰქონდაო, მე ვუთხარი, მე ვარ პოლიტიკოსი და ნამდვილად არ მაქვს ფული და არა მგონია ზურას ჰქონოდა ფული და საიდან მოიტანე-მეთქი. ერთ-ერთმა მითხრა, რომ ორი დღით ადრე მისცა მას ძალიან დიდი თანხაო და ამ თანხის ნაწილი მინდა ამოვიღოო, ალბათ იმ დაცვის თანამშრომლებმა, სანამ ჩვენ მივდიოდით, ხომ არ წაიღეს ეს თანხა შემთხვევითო. მე ვუთხარი - ახლა გამოდის, რომ აქ ფულზე ვლაპარაკობთ ხომ ჩვენ, ფულზე ვერ შევთანხმდებით ჩვენ-თქო. მერე გაირკვა, რომ პატარკაციშვილმა, როგორც ჩანს ორი დღით ადრე უთხრა, რომ ჟვანიას მისცა ბევრი ფული და ეს გააკეთა შეგნებულად იმიტომ, რომ პატარკაციშვილი მერე ამუშავებდა ჟვანიას ძმას, მასთან ოფისში, ისე, როგორც ყველა ოლიგარქს უნდოდა ამ თემის აგორება. ახალმაც - ივანიშვილმაც იგივე გააკეთა. როცა ასეთი ურთიერთობა იყო მეუღლესთან და ძმასთან, მე რა თქმა უნდა ვეღარ მივდიოდი ზურას დედასთან", - განაცხადა მიხეილ სააკაშვილმა და აღნიშნა, რომ იგი მართლა შეურაცხყოფილი იყო.
