თაფლი და დარიჩინი სამკურნალოდ

რამდენიმე კვირის წინ თაფლისა და დარიჩინის შესახებ გამოქვეყნებულმა სტატიამ დიდი დაინტერესება გამოიწვია ჩვენს მკითხველებში. ამიტომ გადავწყვიტეთ, უფრო მეტი ინფორმაცია მოგვეძიებინა ამ სამკურნალო დუეტის შესახებ.

თაფლისა და დარიჩინის სამკურნალო თვისებებს ძველი დროიდან იცნობდნენ. როცა ექიმამდე გზა შორი იყო, ძველი ხალხი თაფლსა და მის პროდუქტებს ჭრილობებსა და დამწვრობებზე ისვამდა. ანტიბაქტერიული თვისებების გამო, თაფლი იარებს ინფექციებისგან იცავდა და განკურნებას აჩქარებდა.

უფრო დეტალურად შევჩერდეთ ყველა იმ პრობლემაზე, რის მოგვარებაშიც თაფლი და დარიჩინი დაგეხმარებათ.

აკნე

მოამზადეთ ნარევი სამი სუფრის კოვზი თაფლით და 1ჩაის კოვზი (ძალიან სავსე არა)დარიჩინით. ეს მიქსტურა წაისვით უშუალოდ გამონაყარზე. თუ სახლიდან არ გადიხართ, შეგიძლიათ მთელი დღე დაიტოვოთ. ან შეიზილოთ სახლში დაბრუნებისთანავე, საღამოს, სუფთა კანზე და დაიტოვოთ რაც შეიძლება მეტხანს. საშუალოდ ორ კვირაში გამონაყარ შესამჩნევად ალაგდება, კანი დაიწმინდება.

არის მეორე მეთოდიც: 1 ს.კ თაფლს(უმჯობესია აკაციის) შეურიეთ 1.5 ჩაის კოვზი დარიჩინი და ეს ნარევი 15-20 წუთით წაისვით სახეზე, შემდეგ ჩამოიბანეთ. ეს ნიღაბი კვირაში სამჯერ მაინვ უნდა გააკეთოთ. აკნე ნელ-ნელა გაქრება.

ართრიტი

თუ ართრიტი გაწუხებთ, ყოველ დღე, დილით და საღამოს მიიღეთ1 ჭიქა თბილი წყალი 2 კოვზი თაფლით და ½ ჩაის კოვზი დარიჩინით. რეგულარული მიღებისას, ქრონიკული ართრიტიც კი შეგიმსუბუქდებათ. დაახლოებით 1 თვეში კი ტკივილების გარეშე შეძლებთ გადაადგილებას.

იხილეთ ვრცლად