მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
კოტე თოლორდავა ჯულიეტას "მამა" გახდა
23:15 / 06-03-2014
"ძალიან საინტერესო, ემოციებით დატვირთული და ამაღელვებელი რეპეტიციები გავიარეთ. დიდი ხანია, ლევან წულაძესთან მუშაობის სურვილი მაქვს, მაგრამ რატომღაც, ისე მოხდა, რომ დღემდე ვერ ვითანამშრომლეთ. ბედნიერი ვარ, რომ ჩვენი, როგორც მსახიობისა და რეჟისორის ტანდემი შედგა", - ასე იხსენებს მსახიობი კოტე თოლორდავა სპექტაკლზე - "რომეო და ჯულიეტა" მუშაობის პერიოდს. მას პრემიერამდე 1 საათით ადრე დავუკავშირდი და ვთხოვე, წინასაპრემიერო განწყობა გაეზიარებინა.
კოტე:
- ახლა გრიმის გასაკეთებლად შევდივარ. რამდენიმე წუთიც და სცენაზე უნდა გავიდე. იცი, საოცრად ვღელავ!
- წარმატებულ პრემიერას გისურვებ! მანამდე კი მინდა, შთაბეჭდილება გამიზიარო. ჯულიეტას მამის როლს ასრულებ, კაპულეტი ხარ...
- დიახ, სახასიათო პერსონაჟია. საერთოდ, მიმაჩნია, რომ მსახიობისთვის ჭოლასთან მუშაობა დიდი სიამოვნებაა. ამ სპექტაკლში სხვადასხვა თაობის მსახიობები სცენაზე ერთად შევიკრიბეთ. ასეთ სპექტაკლს მართლა მონატრებული ვიყავი. აი, ჩემი საყვარელი ქალიშვილი ჯულიეტაც (მსახიობი თეკლა ჯავახაძე) მოვიდა. მისი საყვარელი ფრაზაა: "არასოდეს, არასოდეს", მაგრამ როგორც მოიქცევა, ყველამ იცის.
თეკლა ჯავახაძე:
- ამ სპექტაკლზე დიდი ინტერესით ვიმუშავე. რა დასამალია და მეც ძალიან ვნერვიულობ. სპექტაკლი მამასთან შეხვედრის სცენით იწყება.
- კოტე როგორი პარტნიორია?
- კოტე ნიჭიერი მსახიობია. მასთან მუშაობა სასიამოვნო და კომფორტულია.
- ჯულიეტა ბევრი მსახიობისთვის საოცნებო როლია...
- (მაწყვეტინებს) გეთანხმები. ვისარგებლებ შემთხვევით და მადლობას გადავუხდი ჭოლას იმისთვის, რომ ამ როლზე დამაკავა.
- შენი ჯულიეტა განსხვავებულია?
- ბევრი ვიშრომე იმისთვის, რომ განსხვავებული გამომსვლოდა. სხვას ვერაფერს ვიტყვი, ეს მაყურებელმა უნდა განსაჯოს.
- შენი აზრით, ამ სპექტაკლს მაყურებელი როგორ მიიღებს?
- მგონია, რომ გაოცებული დარჩება. ყოველ შემთხვევაში, ყველა მსახიობი ბოლომდე დავიხარჯეთ იმისთვის, რომ ასე მოხდეს.
- კოტე, ეს გმირი შენთვის რამდენად ახლობელია?
- ყველა გმირთან შეიძლება, რაღაც საერთო გამონახო. კარგია, რომ ამ სპექტაკლით ოჯახების თემა კიდევ ერთხელ, წინ წამოიწევს. სპექტაკლში ოჯახური დუღილი და ქარბორბალაა...
- შენს გმირს პიროვნული თვისებებით ჰგავხარ?
- ვეცადე, მაქსიმალურად შევცვლილიყავი. არ დავმსგავსებოდი მათ, ვისაც ამ როლზე უკვე უმუშავია. მინდოდა, განსხვავებული ვყოფილიყავი. არ ვიცი, ეს რამდენად გამომივიდა... ვფიქრობ, რომ ჩემს გმირს ტემპერამენტით ვგავარ. პრინცის როლს ბესო მეგრელიშვილი ასრულებს, თაკო ცქვიტინიძე კი ჩემი მეუღლე იქნება. დღეს "მოზარდ მაყურებელთა თეატრის" სცენაზე ფანტასტიკური დასია შეკრებილი. ბედნიერი ვარ, რომ მათ გვერდით ვდგავარ და როგორც სპექტაკლში, ისე - რეალურ ცხოვრებაშიც დიდი სიყვარულით ვართ შეპყრობილები.
თამუნა კვინიკაძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
