პირველი ელექტრომობილები თბილისში

მიცუბიში მოტორსის კორპორაციამ, გამოიჩინა კეთილი ნება საქართველოს მთავრობის მიმართ და ეკონომიკისა და მდგრადი განვითარების სამინისტროს ხუთ მიცუბიშის ინოვაციურ ელექტრომობილ I-Miev-ს გადასცემს.

"ეს ფაქტი კიდევ უფრო გააღრმავებს საქართველოსა და იაპონიის ქვეყნებს შორის თანამეგობრობასა და სამომავლო ურთიერთობებს, რაც ჩვანი მხრიდან მისასალმებელია", - აცხადებს მიცუბიში მოტორს კორპორაციის წარმამადგენელი.

Mitsubishi I-MIEV-ი არის ეკოლოგიურად სუფთა ელექტრომანქანა, რომელსაც სავსე აკუმულატორით 120-150 კილომეტრის გავლა შეუძლია. I-MIEV-ის დატენვა ჩვეულებრივი დენის წყაროშია შესაძლებელი და ამას 7 საათი სჭირდება.

ელექტრომობილები საქართველოში მალე ძალიან დიდი პოპულარობით ისარგებლებს და მის ეკოლოგიურობას კიდევ უფრო დიდი ყურადღება დაეთმობა. 2015 წლის 1 მარტიდან ძალაში შევა კანონი ავტომობილების ტექნიკური დათვალიერებაზე, რაც ძველი ავტომობილების მიერ ჰაერის დაბინძურების და გამონაბოლქვის შემცირების მიზნით იქნა შემუშავებული საქართველოს მთავრობის მიერ.

გადაცემის ცერემონიაზე სიტყვით გამოვლენ: იბერია ბიზნეს ჯგუფის პრეზიდენტი ბ-ნ ტარიელ ხეჩიკაშვილი, იაპონიის ელჩი საქართველოში ბ-ნ ტოშიო კაიტანი, მიცუბიში მოტორს კორპორაციის ევროპა-მცირე აზია-აფრიკის რეგიონების კორპორატიული დირექტორი ბ-ნ კაჯი და საქართველოს ეკონომიკისა და მდგრადი განვითარების მინისტრის მოადგილე ქალბატონი ნათია მიქელაძე.

სიტყვით გამოსვლის შემდეგ, მსურველებისთვის გაიმართება ტესტ-დრაივი.

7 მარტი, პარასკევი, 12 საათი

მის: თბილისი, დ.აღმაშენებლის ხეივანი მე-12 კმ. მიცუბიში მოტორს ჯორჯიას ავტოსალონი

R