2
მაისიდღის ზოგადი ასტროლოგიური პროგნოზი
ჩიპსები პირველად 1853 წელს დაამზადეს, სრულიად შემთხვევით და "მტრის ჯიბრზე". მისი შემქმნელი საკურორტო ქალაქ სარატოგა-სპრინგსის ერთი პრესტიჟული და ძვირადღირებული რესტორნის Moon’s Lake Lodge-ის შავკანიანი მზარეული ჯორჯ კრამი გახლდათ.
აგვისტოს ერთ დღეს, რესტორანს ამერიკის ერთ-ერთი ყველაზე გავლენიანი და წარმატებული ადამიანი ვანდერბილტ კორნელიუსი ეწვია და შემწვარი კარტოფილი შეუკვეთა. ის მეტისმეტად პრეტენზიული კლიენტი აღმოჩნდა და სამჯერ მიაბრუნა უკან შეკვეთილი კერძი - კარტოფილი საკმარისად თხლად არ არის დაჭრილიო.
თავმობეზრებულმა მზარეულმა კარტოფილი სიფრიფანად, თითქმის გამჭვირვალედ დაჭრა, მოაყარა მარილი და ზეთში შეწვა. მისდა გასაოცრად, კლიენტს კერძი მოეწონა და მალე სარატოგას ჩიპსი მთელ ამერიკაში პოპულარული გახდა.
