მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
BAFTA 2014-ის გამარჯვებულები
10:58 / 17-02-2014
ლონდონში ბრიტანეთის კინოსა და სატელევიზიო ხელოვნების აკადემიის - BAFTA-ს - ყოველწლიური დაჯილდოების 67-ე ცერემონია გაიმართა. დაჯილდოების ცერემონია კოვენტ-გარდენის სამეფო ოპერის თეატრში გაიმართა.
საუკეთესო ფილმის ნომინაციაში გაიმარჯვა სტივ მაკქუინის სურათმა - "12 წელი მონობაში".
მამაკაცის საუკეთესო როლისთვის ჯილდო მიიღო ჩივეტელ ეჯიოფორმა, რომელმაც მთავარი როლი შეასრულა ფილმში "12 წელი მონობაში". როდესაც ეჯიოფორი სცენაზე ჯილდოს მისაღებად ავიდა, პუბლიკა მას ფეხზე წამოუდგა და ოვაციებით შეხვდა.
ქალის საუკეთესო როლისთვის "ბაფტა" კეიტ ბლანშეტს გადაეცა. ბლანშეტმა ჯილდო ვუდი ალენის "ცისფერ ჟასმინში" შესრულებული როლისთვის მიიღო.
ქალის მეორეხარისხოვანი როლისთვის "ბაფტა" ჯენიფერ ლოურენსს გადაეცა ფილმისთვის - "ამერიკული აფიორა".
რაც შეეხება, მამაკაცის მეორეხარისხოვან როლს, ამ ნომინაციაში ბარკად აბდიმ (ფილმიდან "კაპიტანი ფილიპსი") გაიმარჯვა.
საუკეთესო ბრიტანულ სურათად ალფონსო კუარონის "გრავიტაცია" დასახელდა. ფილმის ძირითადი ნაწილი ბრიტანულ კინოსტუდიებში Pinewood-სა და Shepperton-ში გადაიღეს, ამიტომ მოხდა ფილმის წარდგენა ამ ნომინაციაში.
აღნიშნულის გარდა, "გრავიტაციამ" "ბაფტას" კიდევ 5 ჯილდო მიიღო "საუკეთესო რეჟისურისთვის" (ალფონსო კუარონი), "ხმისთვის", "ოპერატორული ნამუშევრისთვის", "ვიზუალური ეფექტებისთვის" და "ორიგინალური მუსიკისთვის". მთლიანობაში ფილმი 11 ნომინაციაში იყო წარდგენილი.
საუკეთესო ანიმაციური ფილმის ნომინაციაში ჯილდო მიიღო სტუდია "დისნეის" მულტფილმმა Frozen.
ბრიტანეთის კინოაკადემიის უმაღლესი ჯილდო (BAFTA Academy Fellowship Award), კინემატოგრაფში შეტანილი წვლილისთვის მსახიობ ჰელენ მირენს გადაეცა.
ბრიტანეთის კინოსა და სატელევიზიო ხელოვნების აკადემია 1947 წლის 16 აპრილს დაფუძნდა. "ბრიტანეთის კინო აკადემიის" სახელწოდებით. პირველი BAFTA 1948 წელს გაიმართა.
იხილეთ ფოტოგალერეა - BAFTA-ს წითელი ხალიჩა
მომზადებულია newsru.com-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"ერთა ლიგის" "პლეი ოფის" საპასუხო მატჩში საქართველოს ნაკრებმა სომხეთი ანგარიშით 6:1 დაამარცხა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
