მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ "დასჯის" ევროპა უკრაინას
02:26 / 23-01-2014
უკრაინის პრემიერ-მინისტრ ნიკოლაი აზაროვს დავოსის მსოფლიო ეკონომიკურ ფორუმზე შესაძლოა, ბოიკოტი გამოუცხადონ. გავრცელებული ინფორმაციით, იგი სიტყვით ვეღარ გამოვა მსოფლიო ეკონომიკური ფორუმის პლენარულ სესიაზე - "უკრაინის პერსპექტივები. ევროპასა და რუსეთთან მჭიდრო კავშირში როგორი იქნება უკრაინის პოლიტიკური და ეკონომიკური მომავალი".
მსოფლიო ეკონომიკური ფორუმის პრესსამსახურში ამ ინფორმაციას ოფიციალურად ჯერ არ ადასტურებენ.
აზაროვი ფორუმში მონაწილეობის მისაღებად შვეიცარიაში უკვე ჩავიდა. ვიზიტის პროგრამის თანახმად, უკრაინის პრემიერ-მინისტრი რამდენიმე შეხვედრას გამართავს, მათ შორის დაგეგმილია მოლაპარაკებები მსოფლიო სავაჭრო ორგანიზაციის გენერალურ დირექტორ რობერტ ასევედოსთან.
დაგეგმილია ნიკოლაი აზაროვის შეხვედრა შვეიცარიის კონფედერაციის პრეზიდენტ დიდიე ბურკჰალტერთანაც.
თუმცა, გაიმართება თუ არა ვიზიტის პროგრამით გათვალისწინებული შეხვედრები, ამ ეტაპზე უცნობია.
რიგით 44-ე მსოფლიო ეკონომიკური ფორუმი დავოსში გუშინ გაიხსნა. ფორუმის მონაწილეებმა უკრაინაში დაღუპულთა ხსოვნას წუთიერი დუმილით პატივი მიაგეს.
გარდა ამისა, ევროკავშირი უკრაინასთან ოფიციალურ ურთიერთობას გაწყვეტს, თუ დადასტურდება, რომ მილიცია დემონსტრანტებს ცეცხლსასროლი იარაღიდან ესროდა. ამის შესახებ ევროპარლამენტის ვიცე-პრეზიდენტმა იაცეკ პროტასევიჩმა განაცხადა. ინფორმაციას "ბიბისის" უკრაინული სამსახური ავრცელებს.
მისივე განცხადებით, უკრაინაში განვითარებული მოვლენები შოკისმომგვრელია.
"თუ დადასტურდა, რომ მილიციამ დემონსტრანტებს ცეცხლი ცეცხლსასროლი იარაღიდან გაუხსნა, უკრაინასა და ევროკავშირს შორის ურთიერთობები კარდინალურად შეიცვლება. ასეთ შემთხვევაში, ჩვენ ვერ გვექნება უკრაინასთან ისეთივე ურთიერთობა, როგორც ადრე", - განაცხადა პროტასევიჩმა.
ამასთან, ევროპარლამენტის ვიცე-პრეზიდენტის თქმით, უკრაინასთან დიალოგი საფრთხის ქვეშაა.
"ქუჩებში დაღვრილი სისხლი ყველაფერს ცვლის", - აღნიშნა იაცეკ პროტასევიჩმა.
უკრაინაში, ძალოვანებსა და დემონსტრანტებს შორის მომხდარი შეტაკების შედეგად ხუთი ადამიანია დაღუპული. უკრაინულ მედიაში გავრცელებული ინფორმაციით, ოთხ მათგანს ჭრილობები ცეცხლსასროლი იარაღით აქვთ მიყენებული თავის, გულ-მკერდისა და კისრის არეში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
