ჯეკ ბეღურა ბრუნდება

ჯონი დეპი ”კარიბის ზღვის მეკობრეების” მეხუთე ნაწილში ისევ გამოჩნდება. მსახიობმა შესაბამის კონტრაქტს ხელი უკვე მოაწერა. ამის შესახებ Deadline წერს. 

ფილმს ერქმევა ”კარიბის ზღვის მეკობრეები: გარდაცვლილები ზღაპრებს არ ჰყვებიან” (Pirates of Caribbean: Dead Men Tell No Tales). გადაღებები ახალ ორლეანსა და პუერტო რიკოში გაიმართება. დეპის გარდა, ფილმში დარჩებიან ”მეკობრეების” ძველი გმირები: კაპიტანი ბარბოსა (ჯეფრი რაში) და ჯეკ ბეღურას მამა კაპიტანი ტიგი (კიტ რიჩარდსი).

პენელოპა კრუსმა ”მეკობრეებში” დაბრუნებაზე უარი თქვა, თუმცა, შესაძლოა, ის ეპიზოდურ როლში მაინც გამოჩნდეს. ასევე, მსახიობებს შესალოა, შეუერთდეს კრისტოფ ვალციც.

ცნობილი გახდა ფილმის მეხუთე ნაწილის სიუჟეტიც: კაპიტანი ჯეკ ბეღურა შეუყვარდება მისი დაუძინებელი მტრის, კაპიტან ბარბოსას ქალიშვილს - კარინა სმიტს. სიუჟეტის მიხედვით, ქალი იშვიათი სილამაზისაა და ჯადოქრად მიიჩნევა. სინამდვილეში კი ის მხოლოდ ასტრონომიას სწავლობს.

სავარაუდოდ, ფილმი  2016 წელს გამოვა.

მომზადებულია hollywoodreporter.com-ის მიხედვით.