მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა უჯდება ქართველ ქალს თავის მოვლა
15:30 / 04-12-2014
ულამაზო ქალი არ არსებობსო, - ნათქვამია, მაგრამ თუკი საკუთარ თავს ცოტა ხელს შევაშველებთ და კიდევ უფრო მომხიბვლელები გავხდებით, არაფერი დაშავდება. თანამედროვე ქალი აღარ გაურბის ქირურგიულ ჩარევებს თუ სხვადასხვა პროცედურას თავის გასალამაზებლად, თუმცა არსებობს ერთი მაგრამ... რა გვიჯდება ეს სიამოვნება და რამდენად გვაქვს იმის საშუალება, 21-ე საუკუნის ყველა სიახლე საკუთარ თავზე გამოვცადოთ. ამბობენ, კარგი გარეგნობა იაფი არ ჯდებაო. იმასაც ამბობენ, ქართველი ქალები თავს არ უვლიანო. ალბათ ხშირად გაგიგონიათ, გათხოვების შემდეგ ჩემი ცოლი აღარც ისეთი ლამაზია, თანაც გასუქდაო. თუმცა ბოლო პერიოდში ეს კრიტერიუმები ცოტა უკეთესობისკენ შეიცვალა. დღეს საქართველოში ქალები საკმაოდ კარგად გამოიყურებიან და საკუთარ თავსაც შეძლებისდაგვარად უვლიან. გადავწყვიტეთ დაგვეთვალა, საშუალოდ რამდენს ხარჯავს წელიწადში ქალი თავის მოვლაში.
ქალბატონების პირველი და უმთავრესი საზრუნავი სახეა. ბევრიც რომ ვილაპარაკოთ სხეულის ლამაზ ფორმებზე, თუკი თქვენი სახე არაესთეტიკურად გამოიყურება, სხეული ვერაფერს გიშველით. სახის კანს კოსმეტოლოგთან ვიზიტი ექვს თვეში ერთხელ მაინც სჭირდება, ერთი ვიზიტი კი დაახლოებით 60 - 80 ლარი ჯდება, თუმცა გააჩნია დაწესებულებას, სადაც ამ პროცედურის ჩატარება გადაწყვიტეთ.
ქათქათა ღიმილი - ეს ის მნიშვნელოვანი დეტალია, რომელიც თქვენს სილამაზეს და მომხიბვლელობას ყველაზე მეტად უსვამს ხაზს. კბილების მოვლა და გაწმენდაც წელიწადში 2-ჯერ არის რეკომენდებული და დაახლოებით 50 ლარი ჯდება.
არასასურველი თმის მოშორება - ეს პრობლემა კავკასიელი ქალებისთვის განსაკუთრებით მტკივნეულია. ძველად, ესთეტიკის ცენტრების არსებობამდე, ქალბატონები ჭარბთმიანობას შინაური მეთოდებით ებრძოდნენ, დღეს უკვე არის იმის საშუალება, ქალის სახეზე ულვაშები აღარ "ბიბინებდეს" და ეს პროცედურა სულ რაღაც 10 - 15 ლარი ჯდება. თუმცა, თუკი თმას სხეულის სხვა ნაწილებზეც ებრძვით, ეს უკვე ძვირი სიამოვნებაა. ქალბატონებს წელიწადში 500 - 600 ლარის გაღება მოუწევთ არასასურველი თმის მოსაშორებლად. ამ თანხის გაღება ნამდვილად ღირს იმისთვის, რომ თავი კომფორტულად იგრძნო.
მაკიაჟი - ეს ალბათ ქალბატონების ყველაზე საყვარელი პროცედურაა. ხარისხიანი კოსმეტიკა საკმაოდ ძვირი ჯდება. თუმცა არსებობს ძვირფასი კოსმეტიკის პატენტები, რომლებსაც ქართველი ქალები წარმატებით იყენებენ. სხვა საკითხია რამდენად მოუხდება ის ჩვენს კანს. ხარისხიანი კოსმეტიკის შეძენაც საკმაოდ დიდ თანხებთან არის დაკავშირებული. დეკორატიული კოსმეტიკა პლუს სახის მოვლა ქართველ ქალს წელიწადში დაახლოებით 400 - 450 ლარი უჯდება.
სუნამო ის კომპონენტია, რომლის გარეშეც თანამედროვე ქალი არ არსებობს. თუკი არჩევანს ძვირფას სუნამოზე შეაჩერებთ, მაშინ სოლიდური თანხების გაღებისაც არ უნდა შეგეშინდეთ. ბრენდული სუნამოების ფასები თბილისში 200-დან 300 ლარამდე მერყეობს, თუმცა მათი იაფი ანალოგებითაც შეგიძლიათ ისარგებლოთ.
თმის მოვლის საშუალებები - ძვირად ღირებული შამპუნების ყიდვის სიამოვნება ბევრს ქალბატონს არა აქვს, ნორმალური შამპუნი დაახლოებით 15 ლარი ღირს. თმის მოვლა წელიწადში, კვირაში ერთხელ სალონში ვიზიტით, დაახლოებით 300 ლარი ჯდება.
მოკლედ, 1700 ლარი ის მინიმუმია, რომელიც ქალს თავის მოსავლელად სჭირდება, თუ ამ ყველაფერს სხვადასხვა ესთეტიკურ ცენტრში ვიზიტებს, მასაჟს, საცურაო აუზის აბონემენტს და ფიტნესცენტრების მომსახურებას დავუმატებთ, თანხის მაჩვენებელი კიდევ უფრო მაღლა აიწევს. მართალია ჩამოთვლილი პროცედურებით სარგებლობის საშუალება ბევრ ქალბატონს არა აქვს, თუმცა, როგორც ამბობენ, მთავარია ბედნიერი იყო და ყოველთვის ლამაზი იქნები. ასე რომ, არა აქვს მნიშვნელობა, რამდენად ძვირ კოსმეტიკას ვიყენებთ ან რამდენად ხშირად დავდივართ სილამაზის სალონში. როგორც ამბობენ, ნამდვილ ქალს მცირე თანხითაც შეუძლია თავს კარგად მოუაროს. არ გვაქვს ფული? არა უშავს! სახეზე ღიმილი ჩვენი ბედნიერებისა და სილამაზის საწინდარია.
ქეთი საგინაშვილი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
