ევროკავშირის ქვეყნების საპარლამენტო ფორუმს თბილისი უმასპინძლებს
ევროკავშირის ქვეყნების საპარლამენტო დელეგაციების წევრები მომავალ წელს საქართველოში შეიკრიბებიან. როგორც ჟურნალისტებს ვილნიუსში დეპუტატმა თინა ხიდაშელმა განუცხადა, საპარლამენტო ფორუმს თბილისი 2014 წლის აგვისტოში უმასპინძლებს.
ხიდაშელის განმარტებით, პირველადი თანხმობა არსებობს, ხოლო ფორმალურ გადაწყვეტილებას ფორუმის ხელმძღვანელობა მოგვიანებით მიიღებს.
"ეს მოხდება ასოცირების ხელშეკრულების ხელმოწერის წინ, აგვისტოს თვეში. მე ვფიქრობ, განსაკუთრებით მნიშვნელოვანია, ხელშეკრულების ხელმოწერამდე ევროპის ქვეყნების და აღმოსავლეთ პარტიორობის ქვეყნების პარლამენტის წევრები შეიკრიბებიან საქართველოში და საქართველოდან კიდევ ერთხელ დადასტურდება ქართული სახელმწიფოს და ქართველი ხალხის ურყევი ნება - ჩვენ სისტემურად და მყარად მივდივართ ევროპული ოჯახისკენ, საიდანაც ხელოვნურად მოგვწყვიტეს", - აღნიშნა ხიდაშელმა.
LIVE: გია ხუხაშვილი "ნიუსრუმიდან"
"ანტიგმირი უნდა დამალო" - გია ხუხაშვილი პარლამენტიდან ვანო ზარდიაშვილის წასვლაზე
