მნიშვნელოვანი ინფორმაცია
22
აპრილიდღის ზოგადი ასტროლოგიური პროგნოზი
სამშაბათი, მთვარის ოცდამეოთხე დღე დაიწყება 04:49-ზე, მთვარე მერწყულშია
დღეს კარგია ახალი, მნიშვნელოვანი საქმეების დაწყება. ფინანსური საკითხების მოგვარება, ვაჭრობა. მოერიდეთ კამათს, საქმეების გარჩევას. არ გირჩევთ მგზავრობას, საცხოვრებელი მისამართის შეცვლას. სარგებელს მოგიტანთ კოლექტიური სამუშაო, მაგრამ კოლეგების მიმართ ირონიის, ცინიზმის გამოვლენას არ გირჩევთ. მოერიდეთ ალკოჰოლსა და სიგარეტს. გადადეთ ოპერაციები სახსრებზე, ბრმა ნაწლავზე, პროცედურები ფეხებზე, ნერვულ სისტემაზე. კარგი დღეა დასვენებისთვის, შიმშილისთვის. მოერიდეთ ალკოჰოლურ სასმელს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სალომე ფაღავა - მაშინ, როცა ორი გზა ერთდება...
03:00 / 12-11-2013
ბავშვობაში, ალბათ, ყველა გოგონა ოცნებობს ბარბისნაირი სახლი ჰქონდეს, მასსავით ლამაზი იყოს და უფლისწულიც გამოჩნდეს... მერე ყველა მათგანი იზრდება და ოცნებებიც იცვლება, თუმცა სადღაც გულის სიღრმეში რჩება ის, რასაც ყველა ეძებს, ზოგს უმართლებს და პოულობს, ზოგს კი... სალომე ფაღავა საზოგადოებისთვის ცნობილია, როგორც მსახიობი, ნიჭიერი, ლამაზი... მისი მომხიბვლელობა შთაბეჭდილებას ნამდვილად ახდენს. ცოტამ თუ იცის, რომ ცოტა ხნის წინ სალომემ თბილი და ლამაზი ოჯახური ბუდე ააშენა, მისი სიცოცხლის აზრი კი, სულ ერთი თვისაა და უკვე ჟურნალისთვის პოზირებს. ბედნიერია, თვალები უბრწყინავს და მომავალს იმედის თვალით უყურებს, სავსეა სიყვარულით, ზრუნვითა და სითბოთი...
სალომე...
ბექა ჭუმბურიძე, ადამიანი რომელსაც სალომემ ცხოვრება დაუკავშირა, რომელმაც მთლიანად შეცვალა მისი ცხოვრება, მისი ყოველდღიურობა, თვითონ... ბექა იურისტია, საქმიანი, გაწონასწორებული და კეთილი, აქვს უნარი, სითბო გაუნაწილოს გარშემომყოფებს და მათ თავი ბედნიერად აგრძნობინოს. სალომე კმაყოფილი და სიხარულით სავსეა, იმიტომ, რომ ხედავს, ადამიანი რომელთანაც მთელი ცხოვრება უნდა გაატაროს, ყველასთვის მისაღებია. უცნაურია, მაგრამ გადაწყვეტილება ოჯახის შექმნის შესახებ საკმაოდ მოკლე დროში მიიღო ან არც მიუღია და ეს მანამდეც, იქ, სადღაც ზემოთ იყო გადაწყვეტილი... ალბათ, შინაგანად იგრძნო და მიიღო საჩუქარი. ზუსტად არც ახსოვს, როგორ მოხდა ეს ყველაფერი, ან ხელი როგორ სთხოვა, ან როდის გადავიდა ურთიერთობა გაცილებით სერიოზულ ფაზაში... ახსოვს საკუთარი თავი ბექას გაცნობამდე, როცა ფიქრობდა სამსახიობო კარიერაზე, საქართველოდან ცოტა ხნით წასვლასა და იქ სწავლის გაგრძელებაზე. მერე ერთ დღეს იგრძნო, რომ ასე უნდა მოიქცეს და საკუთარი ცხოვრება ბექას დაუკავშირა. არავის სჯეროდა, უახლოეს მეგობრებსაც კი, თუმცა... დღეს ბედნიერია, ძალიან!
ყველაფერი კი იმით დაიწყო, რომ რამიშვილის ქუჩაზე მეგობართან ერთად სილამაზის სალონი გახსნა. უცნაურია, მაგრამ ის სწორედ ბექას საცხოვრებელი კორპუსის პირველ სართულზე მდებარეობდა. თითქოს ასეც უნდა მომხდარიყო, ბექა იქ უნდა შესულიყო, ენახა სალომე და მერე... სწორედ სალონიდან დაიწყო მათი ნაცნობობა, თავიდან, ბექაც ისევე შედიოდა იქ, როგორც დანარჩენი მეზობლები. ცოტა ხანში კი, იქ იმდენივე დროს ატარებდა, რამდენსაც სალომე და მისი მეგობარი. თავიდანვე მათი ურთიერთობა ისე აეწყო, რომ ორივე გრძნობდა - ეს არაა ერთი ჩვეულებრივი ამბავი. შეხვედრები გაგრძელდა სალონს გარეთ, მეგობრების წრეში, ისე წარიმართა ურთიერთობა, რომ ერთ მშვენიერ დღეს, საუბრის თემა საოცნებო ქორწილი გახდა. ბოლომდე ვერ მიხვდა, როგორ დაიწყეს ლაპარაკი საქორწინო სამზადისზე, კაბაზე, სტუმრებზე, ყველაფერი ძალიან ბუნებრივად მოხდა... აღმოჩნდა, რომ მათი გემოვნება და სურვილები დაემთხვა, ბექასაც ძალიან უნდოდა ზაფხულში ქორწილი, ღია ცის ქვეშ ხელის მოწერა, ცოცხალი მუსიკა... ყველაფერი ზღაპარს ჰგავდა, თუმცა რეალობამ მოლოდინს გადააჭარბა, იმიტომ, რომ მერე იყო ოცნების ქორწილი, რის შემდეგაც ორი ადამიანის ცხოვრების გზა ერთ კალაპოტში მოთავსდა, გაერთიანდა და დაიწყო თანაცხოვრება. ეს ზღაპარზე მეტია, ეს რეალობაა!
ბექა...
ყველაფერი დაწერილივით მოხდა, თითქოს ვიღაცამ სადღაც დაწერა, რომ სალომე მის სახლთან გახსნიდა სალონს, რომ მისი სილამაზე პირველივე ნახვისას შთაბეჭდილებას მოახდენდა და ოჯახს შექმნიდნენ, სხვანაირად ვერც მოხდებოდა! ახსოვს, როდესაც პირველად ნახა, შთაბეჭდილება მისმა გარეგნობამ მოახდინა, თუმცა მალევე მიხვდა, რომ მისი ღიმილი გულიდან მოდიოდა, ქცევა და ხასიათი - ლაღი, ცოტა ბავშვურიც... უყურებდა და თითქოს გამჭვირვალე იყო, კრისტალივით სუფთა და ეს მოეწონა ძალიან. ბექას ადამიანებში სწორედ ეს მოსწონს და იზიდავს - გულწრფელობა. 37 წლის ადამიანისთვის რთულიც იყო გადაწყვეტილების მიღება და თან არც... მანამდე ყველა ეკითხებოდა, როდის დაოჯახდებოდა, თვითონაც იცოდა, რომ უკვე დროა, ეფიქრა სერიოზულ ურთიერთობაზე, ოჯახზე, შეხვდა თუ არა სალომეს, მიხვდა, რომ სწორედ მას ელოდა. მერე ზღაპარი დაიწყო, იყო და არა იყო რა - იყო სალომე საქორწინო კაბაში, თვითონ ჩოხა-ახალუხში და...
სალომე
თავიდან უცნაურიც კი იყო, სალომეს, ქორწილიდან მალევე ბაქოში გადაღებებზე მოუწია წასვლამ. როცა დაბრუნდა და ესმოდა ბექას ფრაზა, ჩემი ცოლი ბაქოდან ჩამოვიდაო, ცოტა ეხამუშებოდა კიდეც. თავიდან, თვითონაც ეჩვეოდა ფრაზას და უფრო ალბათ სტატუსს. მალევე გაიგეს, რომ ბავშვს ელოდებოდნენ, მონასტერში მიდიოდნენ მამა ანდრიასთან და გზაში სალომემ იგრძნო, იგრძნო ღვთის საჩუქარი. იმავე წამს შეგრძნება გაახმოვანა და თქვა: "მგონი, ორსულად ვარ"! სახელზე ბევრი არ უფიქრიათ, ბავშვს მათი მამაოს სახელი დაარქვეს. იმ დღიდან დაიწყო დედობისთვის მზადება. გამუდმებით ოცნებობდა, რომ მისი პატარა ჯანმრთელი ყოფილიყო. მთელი ცხოვრება დაუვიწყარი იქნება წამი, როცა პატარა მკერდზე დაუწვინეს. ნამდვილად სასწაული და სიტყვით გადმოუცემელია დედობა... ანდრიამ ოჯახის ცხოვრების წესი მთლიანად შეცვალა, ყოველი დილა მასზე ფიქრითა და ზრუნვით იწყება.
ბექა
საოცარია თანაცხოვრება, როცა ყოველ დილას საყვარელი ქალის გვერდით იღვიძებ, თუმცა როცა გვერდით შენს შვილს ტკბილად ძინავს, ეს აღმაფრენაა. არაფერი შეედრება მამობას, ალბათ, ამაზე მთელი ცხოვრება ოცნებობდა. უყურებს, იცის, რომ მის ცხოვრებაზე პასუხისმგებელია, მის აღზრდაზე, მომავალზე... იცის, რომ უნდა უყვარდეს, იმიტომ, რომ მისი სისხლი და ხორცია, ეს ყველაფერი გონებაშია და იცის... მაგრამ როცა უყურებს მძინარე როგორ იღიმის, მაშინ ხვდება, რომ გონება აქ არაფერ შუაშია, ეს ისაა, რასაც ვერ ახსნი, ვერ გადმოსცემ, ეს მისი შვილია და მორჩა!
სალომე
მომავალს ერთად ასე ხედავს: წლების შემდეგ იცხოვრებენ ქალაქგარეთ, ეყოლებათ რამდენიმე შვილი, ექნებათ სიყვარულითა და სითბოთი სავსე ოჯახი, სადაც ყოველი დილა ერთმანეთზე ზრუნვით გათენდება და დაღამდება...
ბექა
გრძნობს, რომ ბედნიერია! სალომეს გაცნობამდე აღარც კი ახსოვს, როგორი იყო, ჩვეულებრივად ცხოვრობდა: დადიოდა კლუბებში, ქართული სუფრა და დიდი სადღეგრძელოები არასდროს იზიდავდა, სულ სამსახურის საქმეებში იყო ჩაფლული, აკეთებდი მაქსიმუმს და იხარჯებოდა, ალბათ ყველაფერი იმისთვის ხდებოდა, რომ დღევანდელ დღემდე მოსულიყო. მომავალზე ბევრს ფიქრობს, კიდევ უნდა შვილები, უნდა თბილისთან ახლოს ჰქონდეთ სახლი, ლამაზი ეზოთი, გამწვანებით, ორი ძაღლით, სიმშვიდით და სიმყუდროვით სავსე. ადგილი, სადაც ოჯახთან ერთად ბედნიერად იცხოვრებს იქამდე, სანამ...
მაშინ, როცა გრძნობა საერთოა, საერთოა მომავალზე ფიქრი და ოცნება, მაშინ როცა ორი ადამიანის გზა ერთდება და სიყვარულით იქმნება ოჯახი - ნამდვილი ბედნიერებაა. აქ, ამ ფურცელზე კი, ესაა სალომე ფაღავასა და ბექა ჭუმბურიძის საერთო ბედნიერება!
ქეთი მიქანაძე
ყოველთვიური ჟურნალი "ბომონდი"
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვატიკანი რომის პაპს, ფრანცისკეს ემშვიდობება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
