მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
პარასკევი, მთვარის ოცდამეცხრე დღე დაიწყება 06:58-ზე, მთვარე თევზებშია
საკმაოდ რთული დღეა. არ დაიწყოთ ახალი საქმეები. მოერიდეთ ფინანსურ ოპერაციებს, ყოველგვარ ვაჭრობასა და სასამართლო საქმეს. სხვა დღისთვის გადადეთ უფროსთან შეხვედრა და საქმეებზე საუბარს. არ გირჩევთ მგზავრობას, საქმეების გარჩევას. მეტად დაისვენეთ. კარგია მსუბუქი ვარჯიში. დღეს ქორწინება დაუშვებელია. განქორწინების მიზეზი ერთ-ერთი მეუღლის ღალატი ან ტყუილი გახდება. სასურველია დაიცვათ მარხვა. ძილის წინ მიიღეთ შხაპი. რაციონიდან გამორიცხეთ ხორცეული, პურ-ფუნთუშეული და ტკბილეული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რის გამო სწყდება გული სალომე კოკუაშვილს?
00:12 / 29-09-2013
სალომე კოკუაშვილი პროფესიით მსახიობი არ არის, მაგრამ ყველაზე კარგად თავს გადასაღებ მოედანზე გრძნობს და თეატრის სცენაზე თამაშზე ოცნებობს. ამჟამად "ღამის შოუს" სტუდიასთან თანამშრომლობს. გადაცემის - "რომ გადახვალ, გააჩერე" გადაღებები უკვე დაიწყო და სალომეც საყვარელ საქმეს დიდი ენთუზიაზმით შეუდგა.
პრეამბულის მაგიერ
- გადაცემის მე-3 სეზონის გადაღებები უკვე დავიწყეთ, მაგრამ იმ ანეკდოტებს აღარ ვიღებთ, რომლებიც ხალხში იყო გავრცელებული. ჩვენი სცენარისტები ანეკდოტებს თავად წერენ. ვფიქრობ, გადაცემა ასე უფრო საინტერესო იქნება. გარდა ამისა, გოგა ოსეფაშვილის მოკლემეტრაჟიან ფილმში ვთამაშობ. ძალიან საინტერესო სცენარია. ფილმს "ორიგამი" ჰქვია, მისტიკაა სიყვარულზე და პარტნიორობას ვატო გომარელი მიწევს.
- როგორი მკითხველი ხარ?
- ბავშვობაში უფრო კარგი მკითხველი ვიყავი, ვიდრე - დღეს. იმ წლებში მართლა ძალიან ბევრი რამ წავიკითხე. დედას კარგი ბიბლიოთეკა აქვს. მეგობრებს წიგნებს ხშირად ვჩუქნიდი. "უფლისწული და მათხოვარი" გამორჩეულად მახსოვს. დღემდე მომყვება ის ემოცია, რომელიც ამ წიგნმა მომიტანა. ბავშვობაში ძალიან მინდოდა, ერთ დღეს მათხოვრის ადგილზე აღმოვჩენილიყავი. 12 წლის ვიყავი, "ჰამლეტის" წაკითხვა რომ მოვინდომე, მაგრამ ბევრი ვერაფერი გავიგე.
- წასაკითხ წიგნებს ვინ გირჩევდა?
- დედა. ის ამ საქმეში აქტიურად იყო ჩართული. სურვილიც რომ არ მქონოდა, მაძალებდა, რაც შეიძლებოდა მეტი მეკითხა. სკოლაში X კლასამდე ძალიან კარგი მოსწავლე ვიყავი. ყველა საგანს ვსწავლობდი და არც მეცადინეობა მეზარებოდა. მერე გავზარმაცდი. მუშაობა ადრეულ ასაკში დავიწყე, თან ვცეკვავდი და სწავლისთვის იმდენი დრო აღარ მრჩებოდა.
- ახლა რას კითხულობ?
- 22 წლის ვარ და ძალიან მრცხვენია, რომ ინგლისური არ ვიცი. გადავწყვიტე, ეს ენა საფუძვლიანად შევისწავლო, ვმეცადინეობ და როცა დრო მაქვს, ინგლისურ ენაზე დაწერილ სტატიებს, პატარა ტექსტებს ვკითხულობ.
- პროფესიის არჩევისას შენზე გავლენა რამ იქონია?
- 3 წლიდან მსახიობობაზე ვოცნებობდი, მაგრამ ოჯახში არ უნდოდათ, რომ ეს პროფესია ამერჩია. თეატრალურ წრეებზეც კი არ მატარებდნენ. მათი გავლენით, უნივერსიტეტში მარკეტინგისა და მენეჯმენტის ფაკულტეტზე ჩავაბარე. გული მწყდება, რომ პროფესიონალი მსახიობი არ ვარ.
- წელს სად დაისვენე?
- ქობულეთში ვიყავი. დიდ გზაზე მანქანით პირველად წავედი. მეგობრებთან ერთად კარგად ვისვენებდი, სანამ პატარა ავარია არ მოგვივიდა. ქობულეთიდან ბათუმში მივდიოდით, საცობში მოვხვდით, ჭორაობით იმდენად გავერთე, ყურადღება მოვადუნე და მუხრუჭზე ფეხი ამეშვა. წინა მანქანას დავეჯახე. დაზარალებული სომეხი ტურისტი აღმოჩნდა. ვუთხარი, ზარალს აგინაზღაურებთ-მეთქი, ვერ გენდობიო და მიჩივლა. ეს ამბავი 350 ლარი დამიჯდა. მაშინ აღარ ვიცოდი, სიმწრისგან რა გამეკეთებინა, მაგრამ დღეს მეცინება.
- რა ემართება თვალის გუგას, როდესაც ადამიანი რამე საინტერესოს ისმენს?
- ფართოვდება, არა?
- დიახ. დაასახელე როკვარსკვლავი, რომელიც სცენაზე დააპატიმრეს.
- ვერ გიპასუხებ.
- ჯიმ მორისონი. ადამიანის ეს ორგანო სიცოცხლის მანძილზე დაახლოებით 3 მლრდ დარტყმას აკეთებს. რომელ ორგანოზეა ლაპარაკი?
- გულზე.
- როგორი ორკესტრი არ არსებობს: სიმფონიური, საორკესტრო, საორგანე თუ საესტრადო?
- საორგანე ორკესტრი ჯერ არ მსმენია.
- მულტიპლიკაციური ფილმები გიყვარს?
- კი.
- რა ჰქვია კომბლეს ძროხას?
- (ფიქრობს) ჭრელა.
- დედამიწის გარშემო რომ იმოგზაურო, აღმართი მეტი შეგხვდება თუ დაღმართი?
- (იცინის) თანაბრად იქნება.
- "მე ვიცი ის, რომ არაფერი არ ვიცი", ამბობდა სოკრატე და ამატებდა, აი, სხვებმა კი...
- ვერ გიპასუხებ.
- "სხვებმა კი ესეც არ იციანო". რომელ ქართულ ფილმშია გამოყენებული გრიგოლ ორბელიანის მუხამბაზი "გინდ მეძინოს, მაინც სულში მიზიხარ"?
- "ქეთო და კოტეში".
- კლასში 35 მოსწავლეა, შეიძლება თუ არა, თითოეული მათგანის გვარი განსხვავებული ქართული ასოებით დაიწყოს?
- არა.
- მისი მშენებლობა იმპერატორმა ცინში ჰუანდიმ ჰუნებისგან (ცენტრალური აზიის მომთაბარე და ნახევრად მომთაბარე ტომების გაერთიანება) თავის დასაცავად დაიწყო. რის მშენებლობაზეა ლაპარაკი?
- არ ვიცი.
- ჩინეთის დიდ კედელზე.
- გავიფიქრე, მაგრამ დარწმუნებული არ ვიყავი და აღარ ვთქვი.
- რომელი ქვეყნის დედაქალაქია აბუჯა?
- არ მახსოვს.
- ნიგერიის. ერთხელ სალვადორ დალის ერთ-ერთმა პარფიუმერიულმა ფირმამ, ახალი სუნამოსთვის ფლაკონის დიზაინი დაუკვეთა. მხატვარმა ჩვეული ორიგინალობა გამოიჩინა. სახლში იპოვა საგანი, რომელსაც ლითონის ნაწილი მოხსნა, ოქროსფრად შეღება და განაცხადა, რომ ის ფლაკონის თავსახური იქნებოდა. მწარმოებლებს კი ურჩია, სუნამოსთვის უცნაური სახელი "გაელვება" დაერქმიათ. დაფიქრდი და მიპასუხე, რისგან დაამზადა სალვადორ დალიმ ფლაკონი?
- არ ვიცი, დავფიქრდები. (პაუზის შემდეგ) მინიშნება მითხარი, გთხოვ.
- ეს ნივთი ყველა ჩვენგანის სახლშია, სინათლესთან კავშირშია.
- ნათურა, არა?
- გამოიცანი. შენი საყვარელი სუნამო რომელია?
- ვერსაჩეს "კრისტალი".
- მისი ფერები ყოველთვის ერთი და იმავე თანამიმდევრობით ლაგდება: წითელი, ნარინჯისფერი, ყვითელი, მწვანე, ცისფერი, ლურჯი და იისფერი. რაზეა ლაპარაკი?
- ცისარტყელაზე.
- რა ერქვა მდინარეს, სადაც პირველად ოქრო აღმოაჩინეს?
- ვერ გიპასუხებ.
- კლონდაიკი. რომელი უცხოური სიტყვა წარმოიშვა ფრანგული სიტყვისგან "არგო", რაც მოპარულ ენას ნიშნავს?
- არ ვიცი.
- ჟარგონი. 1911 წელს ლეონარდო და ვინჩის "ჯოკონდა" მოიპარეს. ერთ-ერთ ეჭვმიტანილად ცნობილი ესპანელი მხატვარი იყო მიჩნეული. დაასახელე, რომელი?
- (ფიქრობს) არ ვიცი.
- მიგანიშნებ, ეს მხატვარი საფრანგეთში გარდაიცვალა.
- ესპანელია და საფრანგეთში გარდაიცვალა? ვვარაუდობ, პაბლო პიკასო იქნებოდა.
- დიახ. როგორ კანონებს უწოდებდნენ ძველი ბერძნები დრაკონულს?
- სასტიკს, ულმობელს, არა?..
- არა მხოლოდ. ეს კანონები რით იყო დაწერილი?
- არ ვიცი.
- დრაკონულს სისხლით დაწერილ კანონებს უწოდებდნენ. რა ჰქვია იაპონიის ეროვნულ დროშას?
- არ ვიცი.
- ჰინომარუ. სპარსული ანდაზა ამტკიცებს: თუ ადამიანი სიბრძნეს ეძებს, ის ჭკვიანია. ამ ანდაზის მიხედვით, როდის არის ადამიანი სულელი?
- როცა არ ეძებს.
- როცა გაიფიქრებს, სიბრძნე ვიპოვეო. რამდენი ორნიშნა რიცხვი არსებობს?
- (ფიქრობს) 90.
- შეიძლება თუ არა მამაკაცი, რომელიც ბერლინში ცხოვრობს, დაქორწინდეს სხვა ქვეყანაში მცხოვრებ, თავისი ქვრივის დაზე?
- არ შეიძლება.
- რატომ?
- ქვრივის დაზე ქორწინება როგორ შეიძლება? ქალს ქვრივი ჰქვია, როცა ქმარი გარდაცვლილი ჰყავს. დამაბნეველი კითხვაა.
- წარმოიდგინე, სირბილში გაუსწარი მორბენალს, რომელიც მეორე პოზიციაზე იმყოფებოდა. რომელ პოზიციას დაიკავებ ამის შემდეგ?
- მეორეს.
- "ჩვენს დროში სიტყვა "კაცი" იმდენად დაკნინდა, რომ მას "კაცურის" დამატება დასჭირდა". რომელი ცნობილი საზოგადო მოღვაწეა ამ სიტყვების ავტორი?
- ილია ჭავჭავაძე.
- წარსულში ქმრის მოღალატე ცოლებსა და მსუბუქი ყოფაქცევის ქალებს შუბლს უდაღავდნენ, რათა მათი უღირსი საქციელის შესახებ ყველას სცოდნოდა. სწორედ ამის შემდეგ წარმოიშვა და დღემდე არსებობს ვარცხნილობის ეს ფორმა.
- "ჩოლკას" გულისხმობ?
- რა თქმა უნდა. რა ჰქვია მას ქართულად?
- არ ვიცი.
- წინამო. დედამიწა, მარსი, ვენერა, მერკური - ამ პლანეტებიდან რომელია ყველაზე პატარა?
- ვერ გიპასუხებ.
- მერკური. მან სიჭაბუკე საგურამოში გაატარა, იმ პერიოდში ფეოდალური შინააშლილობით დაუძლურებული საქართველო ირანისა და ოსმალეთის გამუდმებული ცილობის საგანი იყო. ლეკთა თარეშს ბოლო არ უჩანდა. მისი ოჯახი ქსნის ხეობაში, სოფელ ლამისყანაში გაიხიზნა.
- დავით გურამიშვილზეა ლაპარაკი.
- ეს ნაწარმი აბრეშუმის უწვრილესი ძაფებით ნაწილ-ნაწილ იქსოვებოდა. მისი მოქსოვის ტექნოლოგია ერთმა პარიზელმა მკერავმა XVI საუკუნის დასაწყისში შექმნა. დაასახელე მისი გვარი.
- ვერ დავასახელებ.
- გობელენი. დაბოლოს, დაასრულე ლევ ტოლსტოის ცნობილი გამონათქვამი: "მშიშარა მეგობარი მტერზე უარესია, მტერს ერიდები, მეგობარს..."
- "...მეგობარს კი ენდობი".
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
