1
მაისიდღის ზოგადი ასტროლოგიური პროგნოზი
მეცნიერებმა დაამტკიცეს, რომ დილის კვება მსუბუქი უნდა იყოს და რამდენიმე სახეობის საუზმე დაასახელეს. კარგა ხანს მიიჩნეოდა, რომ საუზმე ნოყიერი უნდა იყოს, რადგან ის მთელი დღის განმავლობაში ადამიანს ენერგიით ამარაგებდა, მაგრამ თანამედროვე გამოკვლევებმა ცხადყო, რომ ნოყიერი და მსუყე საუზმე არათუ სასარგებლო, არამედ მავნებელიც კი არის, რადგან გაცხიმოვნებას იწვევს. მეცნიერებმა ჩაატარეს კვლევა, რომელშიც 1000 ადამიანი მონაწილეობდა. მთელი წლის განმავლობაში ექსპერიმენტის მონაწილეთა კვების რაციონსა და კვების დროს აკვირდებოდნენ. აღმოჩნდა, რომ მსუყე საუზმე ხელს უწყობს სხეულის მასის გაზრდასა და სისხლის წნევის მომატებას. ექსპერიმენტმა ცხადყო, რომ მაღალკალორიული საუზმე კანქვეშა ცხიმში გადადის, რადგან დილის საათებში ორგანიზმში გლუკოზის შემადგენლობა საკმაოდ დაბალია. აქედან გამომდინარე, მედიკოსები გვირჩევენ, დილით მსუბუქად ვისაუზმოთ.
ამერიკელი მეცნიერების აზრით, საუზმეზე ყველაზე სასარგებლო ერბოკვერცხია. კვერცხი დიეტური პროდუქტია და დიდი რაოდენობით პროტეინებს, ვიტამინებსა და მიკროელემენტებს შეიცავს, რაც პირველ რიგში, გონებრივ შესაძლებლობებზე დადებითად მოქმედებს.
ბრიტანელი ექსპერტები კი საუკეთესო საუზმედ წვნიანს მიიჩნევენ, რადგან კერძები, რომლებიც სითხეს შეიცავს, სწრაფად ამარაგებს ორგანიზმს საჭირო მიკროელემენტებით. ასეთი კერძი დაგანაყრებთ და იმავდროულად ნაკლებ კალორიულიცაა.
დილით ასევე შეგიძლიათ მიირთვათ დაბალკალორიული იოგურტი, მოხარშული კარტოფილი, მაგრამ ვისაც დილით წვნიანის ჭამა არ შეუძლია, მედიკოსები სხვა კერძებს სთავაზობენ, მაგალითად, შვრიის ფაფას, რომელშიც, თუ გნებავთ, ერთი ჩაის კოვზი თაფლი ჩაუმატეთ.
კვერცხი ან ომლეტი, რომელსაც მწვანილს ან რომელიმე ბოსტნეულს უმატებენ.
შვრიის ფაფა, რომელშიც "ბლენდერში" სხვადასხვა ხილი (ვაშლი, ალუბალი, გარგარი) უნდა გაურიოთ. საუზმეზე კარგია ხილის დაქუცმაცებული სალათა, რომელშიც ლიმონის წვენისა და იოგურტის ჩამატება დაგჭირდებათ. სასურველია ისეთი ხილის გამოყენება, როგორებიცაა ნესვი, ვაშლი, ბანანი, მსხალი.
კიდევ ერთი მსუბუქი საუზმე შედგება ხაჭოსა და ხილისაგან - ციტრუსები, ვაშლი და კენკროვანი.
წიწიბურას ფაფა რძით - ასეთი საუზმე მცენარეული წარმოშობის ცილებსა და სასარგებლო მიკროელემენტებს შეიცავს.
სასარგებლო და გემრიელია აგრეთვე კიდევ ერთი მსუბუქი საუზმე - გახეხეთ ნახევარი ბანანი და ნახევარი ვაშლი, დაუმატეთ ერთი კოვზი შვრია. ასეთ ნარევს შეგიძლიათ 200-250 გრამი კეფირი დაასხათ.
ლიკა კერატიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
