მნიშვნელოვანი ინფორმაცია
1
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ "წავიკითხოთ" ენა
23:15 / 21-09-2013
პირის ღრუს დაავადებები დღეს საკმაოდ გავრცელებულია, რასაც სპეციალისტები ეკოლოგიურ გარემოს, არაჯანსაღ საკვებს, სტრესებსა და ელემენტარული ჰიგიენური წესების არასაკმარისად დაცვას აბრალებენ. ადამიანის ენა კი ის ორგანოა, რომელიც უამრავ ინფორმაციას გვაწვდის ადამიანის ჯანმრთელობის მდგომარეობაზე. გვესაუბრება თბილისის სახელმწიფო სამედიცინო უნივერსიტეტის პაროდონტის და პირის ღრუს ლორწოვანის დაავადებათა დეპარტამენტის ხელმძღვანელი, სრული პროფესორი, მედიცინის მეცნიერებათა დოქტორი, სტომატოლოგიური კლინიკის დირექტორი მანანა ივერიელი:
- პირის ღრუ ორგანიზმის სარკეა, ენა კი ის ე.წ. საინფორმაციო ორგანოა, რომელზეც როგორც ცალკეული ორგანოს, ასევე ორგანოთა სისტემების თითქმის ყველა დაავადება აისახება. მაგალითად, ენაზე აისახება კუჭ-ნაწლავის, გულ-სისხლძარღვთა, ენდოკრინული და თვით ნერვული სისტემის დაავადებებიც კი. პირის ღრუს სპეციალისტებმა "ენის წაკითხვა" უნდა იცოდნენ. ენის დათვალიერებისას ბევრი რამ იქცევს ყურადღებას - ენის ზომა, მისი კიდეების დაკბილულობა, ენის ფერი, ნადების კონსისტენცია, ტოპოგრაფია, ანუ ენის რომელ უბანზეა განლაგებული ნადები, რადგან ყველა დეტალს მნიშვნელობა აქვს. მაგალითად, ენის უკანა მესამედი კუჭ-ნაწლავის დაავადებების პათოლოგიებს შეესაბამება, ენის წვერი და წინა მესამედი - გულის და ფილტვის დაავადებებს და ეს მხოლოდ მცირედი ჩამონათვალია. ერთი სიტყვით, ყველა ორგანოს ენაზე თავისი უბანი აქვს: ნაწლავებს, ფილტვებს, გულს, ღვიძლს და ა.შ. ამიტომ ენისფერის, ზომის, კიდის დაკბილულობის, ნადების, მისი კონსისტენციის მიხედვით, ბევრი რამ შეიძლება ითქვას ზოგადად ორგანიზმის მდგომარეობაზე.
- თვითონ ენას, როგორც ორგანოს, რა უქმნის საფრთხეს?
- ზოგადად, ენაზე ზეგავლენას კბილებისა და ლორწოვანის მდგომარეობა ახდენს. მაგალითად, მას საფრთხეს უქმნის საღეჭი კბილების ან მცირე ძირითადი კბილების კარიესი, რომლებიც დიდხანს არ იბჟინება. ჩამოტეხილი და დაზიანებული კბილის კიდე შესაძლოა ქრონიკული მექანიკური ტრავმის მიზეზი გახდეს და ენის მოცემული უბნის დაზიანება გამოიწვიოს, დროთა განმავლობაში კი ენის ქსოვილის გადაგვარებით დასრულდეს. ეს უკვე საკმაოდ სახიფათოა, რადგან ენის ქსოვილის გადაგვარება კიბოს განაპირობებს. ამიტომ ყველა ჩამოტეხილი და დაზიანებული კბილი დაბჟენას საჭიროებს.
- თვითონ ენის დაავადებებზე რას გვეტყოდით?
- არსებობს ენის საკუთრივი დაავადებები და, როგორც ზემოთ აღვნიშნე, დაავადებები, რომლებიც ენაზე გამოვლინდება. ენის საკუთრივ დაავადებებს სხვადასხვა გლოსიტი მიეკუთვნება. ტერმინი "გლოსიტი" ენის ანთებას ნიშნავს. მაგალითად, მათ შორის არის გეოგრაფიული ენა, რაც ხშირია ბავშვებშიც და მოზრდილებშიც. არსებობს ასევე შავი, თმიანი ენა, რომელიც საკმაოდ აშინებთ პაციენტებს, მაგრამ ამის გამომწვევი შესაძლოა სრულებით უბრალო მიზეზი იყოს - მაგალითად, პირის ღრუს გამოსავლების პიგმენტები...
- ბოლო დროს ბევრი პაციენტი უჩივის ენის ამა თუ იმ უბნის წვას. რაზე მიგვანიშნებს ეს სიმპტომი?
- ეს არის პირის ღრუს წვის სინდრომი, ამ დაავადებას დაფუფქული პირის სინდრომსაც ეძახიან. საკმაოდ გავრცელებული დაავადებაა და უმეტესწილად 40 წელს გადაცილებულ ქალბატონებს აწუხებთ. ამ დროს პაციენტს პირის ღრუში დისკომფორტული შეგრძნება აქვს, კერძოდ - ენის წვა, ჩხვლეტა, - ეს არის ნერვული სისტემის დაავადების გამოვლინება პირის ღრუში. თითქოს გასაკვირია - ენაზე ვლინდება ნევროზი და დეპრესია? მაგრამ ეს მართლაც ასეა. ამ სინდრომის მქონე პაციენტებს აუცილებლად აქვთ გადატანილი სტრესი, რამაც მათი ფსიქიკა შეძრა. სტრესებისა და ნერვიულობის შემდეგ გადის დრო და პაციენტი აღნიშნავს, რომ ენა განუწყვეტლივ აწუხებს, დაფუფქვის, ჩხვლეტის, წვის შეგრძნება აქვს, თუმცა ჭამის დროს არ აწუხებს.
- რატომ ქრება ეს შეგრძნებები ჭამის დროს?
- რაკი ეს ენა-ხახის ნერვის გამოვლინებაა, რომელიც ცენტრალური ნერვული სისტემის შესაბამისი უბნების არატიპურ გაღიზიანებას იწვევს, ყველა ეს შეგრძნება (წვა, ჩხვლეტა თუ ტკივილი) ჭამის დროს ქრება. რადგან, თუ ჭამის პროცესს ნერვული სისტემის მხრიდან განვიხილავთ - სიამოვნებაა. ამ დროს თავის ტვინში ირთვება სიამოვნების ცენტრი, რომელიც გადაფარავს იმ უბნის აღგზნებას, რომელიც გამოხატული იყო ტკივილის, ჩხვლეტის და დაფუფქულობის შეგრძნებით. პირის ღრუს წვის სინდრომი დიდ დისკომფორტს უქმნის პაციენტს. ამ დაავადებას არანაირი მალამო და სავლები არ შველის. და თუმცა დიაგნოზს პარადონტოლოგები ვსვამთ, ეს სინდრომი მხოლოდ წარმატებული ნევროლოგიური მკურნალობის შედეგად იხსნება.
- საკმაოდ გავრცელებულია ენის ჰერპესებიც...
- ჰერპესი არის ვირუსული დაავადება, მას მარტივი ჰერპესის ვირუსი იწვევს. ის ყველგან ჩნდება - პირის ღღუში, ლოყის ლორწოვანზე, ტუჩზე, ენაზე, თვალის ლორწოვანზე, საშოზე, კანზე. პირის ღრუს ჰერპესული წყლულები გამოცდილი თვალისთვის იოლი შესამჩნევია. ჰერპესული ვირუსი საკმაოდ გავრცელებული გადამდები დაავადებაა. ერთხელ თუ მოხვდა ორგანიზმში, აღარ გამოდის და მას სათანადო მკურნალობა სჭირდება. მაგრამ თუ პაციენტს სამ თვეში ერთხელ მაინც უჩნდება პირის ღრუში ჰერპესული წყლულები, იმის მანიშნებელია, რომ მისი იმუნიტეტი დაქვეითებულია. ამ დროს ადგილობრივ მკურნალობასთან ერთად, აუცილებელია ზოგადი მკურნალობაც, რომელიც გამოცდილი თერაპევტის ჩარევას საჭიროებს.
მოამზადა ლიკა კერატიშვილმა
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
