27
აპრილიდღის ზოგადი ასტროლოგიური პროგნოზი
IREX GEMDIA-ს დაკვეთით Market Intelligence Caucasus/TNS-ის მიერ ჩატარებული რადიო აუდიტორიის უწყვეტი კვლევის თანახმად, ყველაზე მაღალშემოსავლიანი მსმენელი რადიო "პალიტრას" უსმენს.
როგორც კვლევაშია აღნიშნული, რადიო "პალიტრის" მსმენელი რადიოსადგურის მიმართ მაღალი ლოიალურობით გამოირჩევა - დიდ დროს უთმობს რადიოს მოსმენას და უსმენს ექსკლუზიურად რადიო "პალიტრას". ამასთან, რადიო "პალიტრის" მსმენელთა უმეტესი ნაწილი დასაქმებული მამაკაცია (56,7%), რომელსაც მანქანა აქვს.
კვლევის შედეგების თანახმად, რადიო "პალიტრის" მსმენელთა 75% 25 წლიდან 54 წლამდე ასაკობრივ კატეგორიაშია. ამასთან, რადიო "პალიტრის" მსმენელების 53,4% შემოსავლის მიხედვით ორ უმაღლეს კატეგორიაზე (A და B კატეგორიებზე) მოდის და მათი 72% დასაქმებულია.
კვლევის თანახმად, საქართველოს მასშტაბით, საშუალო კვირეული აუდიტორიის რაოდენობით რადიო "არ დაიდარდო" ლიდერობს. მისი ყოველკვირეული აუდიტორია 584 000-ს აღწევს. აღნიშნული მაჩვენებლებით რადო "არ დაიდარდო" ლიდერობს თბილისის მასშტაბითაც.
კვლევის საერთო მონაცემებით, საქართველოში რადიომსმენელების 55%-ს ქალები, ხოლო 45%-ს მამაკაცები შეადგენენ. მათგან 18% 18-24 ასაკობრივ კატეგორიაშია, 19% - 25-34 ასაკობრივ კატეგორიაში, ხოლო 19% 35-44 ასაკობრივ კატეგორიაში. 12-17 ასაკობრივ კატეგორიაშია რადიომსმენელთა 10%, 45-54 ასაკობრივ კატეგორიაში 17%, ხოლო 55-67 ასაკობრივ კატეგორიაში - 17%. ამასთან რადიომსმენელთა 11% ეკონომიკური სტატუსით A კატეგორიაში ხვდება, 25% - B კატეგორიაში, 26% - С1 კატეგორიაში, ხოლო 38% - C2 კატეგორიაში. საქართველოში რადიომსმენელთა 39% დასაქმებულია, ხოლო 61% უმუშევარი; 11%-ს აქვს მანქანა, ხოლო 89%-ს - არა.
Market Intelligence Caucasus/TNS-მა კვლევა 2013 წლის თებერვალი-ივლისის პერიოდში ჩაატარა. კვლევის ფარგლებში სულ გამოიკითხა 8060 ადამიანი, მათგან 5837 რესპონდენტი - სატელეფონო ინტერვიუს შედეგად, ხოლო 2223 რესპონდენტი - პირისპირ ინტერვიუს მეშვეობით.
