მნიშვნელოვანი ინფორმაცია
23
აპრილიდღის ზოგადი ასტროლოგიური პროგნოზი
ხუთშაბათი, მთვარის ოცდამეექვსე დღე დაიწყება 05:06-ზე, მთვარე თევზებშია
საკმაოდ რთული დღეა. თავი შეიკავეთ ყოველგვარი კონფლიქტისგან. არ დაიწყოთ ახალი საქმეები. მოერიდეთ ფულის ხარჯვას; ვაჭრობაში არ მოტყუვდეთ. კარგი დღეა სწავლისა და გამოცდის ჩასაბარებლად. მოერიდეთ სამსახურის, საქმიანობის შეცვლას. უფროსთან კამათს. მგზავრობა და მივლინება სხვა დღისთვის გადადეთ. კარგია მსუბუქი ვარჯიში; საოჯახო საქმეების შესრულება. თავი შეიკავეთ მოწევისა და ალკოჰოლისგან. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მე და სადუნიშვილი ერთმანეთს არ მოვუხდებით"
23:30 / 13-09-2013
რუბრიკა "ფსიქოს" სტუმარი, ტელეწამყვანი სალომე გოგიაშვილი რამდენიმე თვის წინ გაათავისუფლეს "ტელეიმედიდან" ელტონ ჯონის ოჯახზე გაკეთებული ირონიული განცხადების გამო და მას შემდეგ ეკრანზე აღარ გამოჩენილა.
- სალომე, ამ ზაფხულს როგორ დაისვენე?
- კარგა ხანია ოჯახურად, შვილებთან ერთად ვისვენებ და არც ეს წელი ყოფილა გამონაკლისი. 4 თვის ფეხმძიმე ვარ, თუმცა ხასიათსა და გარეგნობაში ცვლილებები არ დამტყობია. გაგიმხელთ, გოგოს ველოდები, რომელსაც დედაჩემის სახელი - თიკო უნდა დავარქვა.
- არ გიჭირს სამსახურის გარეშე ყოფნა?
- ასეთი რამ ჩემს ცხოვრებაში პირველად არ მომხდარა, მიჩვეული ვარ. დატვირთული რეჟიმისგან დროებით დასვენება კარგია, თუმცა უმუშევრობა მაინც დისკომფორტს მიქმნის. ახლა მთლიანად შვილებზე, საოჯახო საქმეებზე ვარ გადართული. ისე, ხანდახან კი მენატრება ტელევიზია. ჩემი ოჯახის წევრები მეუბნებიან, ახლა ფეხმძიმედ ხარ და უნდა დაისვენოო, მაგრამ მე მაინც ენერგიულად ვარ. ჩემი მეუღლე ვახო ყველაფერში ხელს მიწყობს. მეუბნება, ყოველ დილით სამსახურში სიარულს, მირჩევნია, იქ იარო, სადაც ყოფნა ყველაზე მეტად გსიამოვნებსო და საამისოდ ყველაფერს აკეთებს.
- როგორი დედა ხარ?
- შვილებთან პათოლოგიური დამოკიდებულება მაქვს, ვამეცადინებ, ვაკონტროლებ, ყველგან ერთად დავდივართ. ახლა ჩემი პატარა სკოლაში მიდის და ამისთვის განსაკუთრებით ვემზადებით. ვფიქრობ, ქართვლის დედის სახე ხომ არ გავხდე (იცინის).
- როგორც ვიცი, შენ და თიკო სადუნიშვილი პოლიტიკური შეხედულებების გამო დაუპირისპირდით ერთმანეთს. ტელევიზიაში დაბრუნება და თიკოსთან ერთად გადაცემის წაყვანა რომ შემოგთავაზონ, დათანხმდები?
- განა იმიტომ, რომ პატიება არ შემიძლია, მაგრამ, არ მოვუხდებით მე და თიკო ერთმანეთს. არ ვამბობ, რომ ის ცუდი ან უნიჭო წამყვანია, უბრალოდ, სხვადასხვა სტილის წამყვანები ვართ. ჩავარდება ის გადაცემა, რომელსაც ორი განსხვავებული ადამიანი გაუძღვება. აუცილებლად გამოჩნდება ეკრანზე ჩემსა და თიკოს შორის არსებული დაძაბულობა.
- რა კითხვას დაუსვამდი მიხეილ სააკაშვილს?
- სიამოვნებით ჩავწერდი მასთან ინტერვიუს, ოღონდ ეს არ იქნებოდა ინტერვიუ ოფიციალურ გარემოში, როგორც ამას მოითხოვს ჟურნალისტისა და რესპონდენტის ურთიერთობა. თუ შეძლებს, რომ გულწრფელად გამცეს პასუხები და არა დემაგოგიურად, საინტერესო იქნებოდა. პირველ რიგში აუცილებლად ვკითხავდი, რას გვერჩოდა ამდენი წელი.
- რას აჩუქებდი თეა თუთბერიძეს?
- თეა თუთბერიძეს? (იცინის). ვაიმე, რა რთული შეკითხვა დამისვი... აჯობებს, დამამშვიდებელი ცენტრის ულიმიტო და უფასო ბარათი ვაჩუქო, აშკარად სჭირდება დამამშვიდებელი თერაპია. თან მეც კეთილ საქმედ ჩამეთვლებოდა მისი დამშვიდება.
- ცხოვრებას თავიდან რომ იწყებდე, რას შეცვლიდი?
- მხოლოდ ერთადერთ რამეს - გავიხანგრძლივებდი ურთიერთობას მამასთან და იმ მეგობრებთან, რომლებიც, სამწუხაროდ, ცოცხლები აღარ არიან. პირად ცხოვრებაშიც დავუშვი შეცდომა, როცა მეორედ გავთხოვდი, მაგრამ ამას არ ვნანობ და ისევ იმავეს გავაკეთებდი, რადგან ამის გარეშე მეორე შვილი არ გამიჩნდებოდა.
ფსიქოლოგის დასკვნა
ლევან ოდიშარია - ფსიქოლოგი: შრომისმოყვარე და მეგობრული ადამიანია. აქვს იუმორის დიდი გრძნობა.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ემუქრება თუ არა საფრთხე ევროკავშირთან უვიზო მიმოსვლის შეჩერებას ?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
