10
აპრილიდღის ზოგადი ასტროლოგიური პროგნოზი
ატმოსფერულ ჰაერზე დაკვირვებას გარემოს ეროვნული სააგენტო დედაქალაქის სამი წერტილიდან ახორციელებს. გარდა ამისა, ვაშლიჯვარში, ჰოლანდიის მთავრობის ფინანსური დახმარებით, გასულ წელს ავტომატური სადგური დაიდგა, რომელიც 24-საათიან უწყვეტ რეჟიმში მუშაობს და ერთი წუთის ინტერვალით იძლევა ინფორმაციას. ამ საკითხზე გვესაუბრება გარემოს ეროვნული სააგენტოს გარემოს დაბინძურების დეპარტამენტის მთავარი ქიმიკოს-ეკოლოგი ია ხომერიკი.
- თბილისში ატმოსფერულ ჰაერზე დაკვირვება სამ წერტილში ხდება. მოსკოვის გამზირზე, წერეთლისა და კვინიკაძის ქუჩებზე. სინჯებს 10, 13 და 17 საათზე 20 წუთის განმავლობაში ვიღებთ. აღებული სინჯები კი სააგენტოს ლაბორატორიაში მოდის, სადაც მისი ქიმიური დამუშავება ხდება. თბილისში სინჯები მხოლოდ შემდეგ დამაბინძურებელ ნივთიერებებზე კეთდება: მტვერი, გოგირდის დიოქსიდი, ნახშირჟანგი, აზოტის დიოქსიდი და ოზონი. სრული დატვირთვით მხოლოდ კვინიკაძის ქუჩაზე მდებარე ჯიხური მუშაობს. წერეთლისა და მოსკოვის გამზირიდან სინჯებს მხოლოდ ორ დამაბინძურებელ ნივთიერებაზე - ნახშირჟანგსა და აზოტის დიოქსიდზე ვიღებთ. გვაქვს თანამედროვე ტიპის მობილური ხელსაწყოები, რომლებიც საშუალებას იძლევა ქალაქის ნებისმიერი ადგილიდან ავიღოთ ანალიზი.
- ივლისისა და აგვისტოს მონაცემების მიხედვით, ატმოსფერული ჰაერი რა ნივთიერებებით იყო დაბინძურებული?
- მტვრის კონცენტრაცია ატმოსფერულ ჰაერში ზღვრულად დასაშვებ მონაცემებს 2-2.6-ჯერ აღემატებოდა; ნახშირჟანგის კონცენტრაცია 1-1.5-ჯერ; აზოტის დიოქსიდის - 1-ჯერ. ოზონის და გოგირდის დიოქსიდის შემცველობა ნორმის ფარგლებში იყო. ჰაერის დაბინძურების წყარო არის ავტომაგისტრალი, მშენებლობა, მცირე საწარმოები, საყოფაცხოვრებო მოხმარების გამათბობლების გამონაბოლქვი, როდესაც არასრული წვა ხდება. ასევე მეორადი ავტომობილები, რომელთა უმეტესობას არა აქვს კატალიზატორი. მიუხედავად ამისა, მთელი წლის განმავლობაშიც კი ჰაერის დაბინძურების საგანგაშო მონაცემები არ აღინიშნება.
- როგორ ირჩევა ტერიტორია სადამკვირვებლო ჯიხურის განსათავსებლად?
- ჯიხური უნდა იდგეს ცხელ წერტილში, დაბინძურების წყაროს არსებობის მიხედვით. გასულ საუკუნეში ჯიხურები ფაბრიკა-ქარხნების განლაგების მიხედვით იყო განთავსებული. კვინიკაძის ქუჩაზე მდებარე სადამკვირვებლო ჯიხური მეთოდიკით გათვალისწინებულ ადგილას იდგა, მაგრამ მერიამ, მიწისქვეშა კომუნიკაციების გაყვანის შემდეგ, ჩვენს ჯიხურს ადგილი შეუცვალა. სადაც ამჟამად სადამკვირვებლო ჯიხური დგას, იმ ტერიტორიას ანიავებენ, შესაბამისად, ვერ ვიღებთ დაბინძურების რეალურ სურათს. ეს კი დიდი პრობლემაა.
ლამუნა ირემაშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
ასევე იხილეთ ვიდეო: ტრაქტორი მიდის, გამონაბოლქვი რჩება - რა აბინძურებს თბილისს
