მნიშვნელოვანი ინფორმაცია
24
მარტიდღის ზოგადი ასტროლოგიური პროგნოზი
ორშაბათი, მთვარის ოცდამეხუთე დღე დაიწყება 06:11-ზე, მთვარე მერწყულში იქნება 19-19-დან
ახალ საქმეებს ნუ წამოიწყებთ, მაგრამ დაწყებულები დაასრულეთ. კარგი დღეა ვაჭრობისთვის, სასამართლო საქმეებისთვის. არასასიამოვნო დღეა კონტაქტებისთვის, აკონტროლეთ თქვენი ემოციები. არ იკამათოთ და მოერიდეთ უსიამოვნო საუბრებს. კარგი დღეა მოგზაურობის დასაწყებად, მგზავრობისათვის. სხვა დღისთვის გადადეთ ქორწინება და ნიშნობა. მოერიდეთ ალკოჰოლსა და სიგარეტს. დღის რთული ორგანოა ყურები, მოერიდეთ მათ გახვრეტას, ოპერაციას, გაწმენდას. მიირთვით ახალმომზადებული კერძი. გაამდიდრეთ რაციონი უმი ბოსტნეულით. არ დაძაბოთ და გადაღალოთ თვალები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
შაქრო კალაშოვის ქალიშვილის გლამურული ცხოვრება ბრიტანეთში და თბილისური ვოიაჟი - რა არის ცნობილი "კრიმინალური ავტორიტეტის" შვილსა და "იდუმალ ცოლზე"
12:49 / 22-03-2025
კრიმინალური სამყაროს თბილისელი გენერალი 70 წლის შაქრო კალაშოვი ერთი წლის წინ, რუსეთის ციხიდან პირობით ვადამდე გათავისუფლდა. მან კოლონია IK-2, რომელიც კრასნოდარის მხარეში, უშტ-ლაბინსკის რაიონის სოფელ დვუბრატსკიში მდებარეობს, დატოვა და ცოლთან 44 წლის მარინა გოლდბერგთან გაემგზავრა.
მარინა გოლდბერგი იდუმალი პიროვნებაა. მიიჩნევა, რომ ის დაიბადა აფშერონსკში, შემდეგ გადავიდა ხანტი-მანსიის ავტონომიურ ქალაქ კოგალიმში. 2003 წელს კი მარინა გოლდბერგი ნავთობის ქალაქიდან მოსკოვში გადავიდა.
მარინა გოლბერგის სახელი 2012 წელს გახდა ცნობილი, როცა ამერიკის შეერთებული შტატების სახაზინო დეპარტამენტმა გამოაქვეყნა ტრანსნაციონალური ორგანიზებული დაჯგუფებების წევრების ახალი სია, სადაც ოფიციალურად, "საძმო წრის" კრიმინალური ორგანიზაციის წევრობის სტატუსი მიენიჭა ცნობილ კრიმინალ შაქრო კალაშოვს.
"შავ სიაში" ასევე შედიან: ძმები ლაშა და კახაბერ შუშანაშვილები და მათი "მარჯვენა ხელი" ე.წ. კანონიერი ქურდი კობა შემაზაშვილი, ე.წ. კანონიერი ქურდი თემურ მირზოევი, ე.წ. კანონიერი ქურდი ვლადიმერ ვაგინი (ვაგონი), ე.წ. კანონიერი ქურდი ვასილი ხრისტოფოროვი (ვასია ვოსკრეს) და სხვები. თითქმის ყველა ისინი "დედ ჰასანის" კრიმინალურ წრეში შედიან.
რაც შეეხება კალაშოვის უფროსი ქალიშვილს, რომელმაც მოსკოვის საერთაშორისო ურთიერთობების სახელმწიფო ინსტიტუტის (МГИМО) კურსდამთავრებულია, ახლა ბრიტანეთში გლამურული ბლოგერია. ის თავს მარია კალაშიკს უწოდებს. მას 16 ათასი გამომწერი ჰყავს "ინსტაგრამზე" და 100 ათასი - ტიკ-ტოკში.
გლამურული ცხოვრება და მდიდრული გატაცებები
მარია კალაშიკი აშუქებს ლონდონურ ცხოვრებას, დადის ძვირადღირებულ რესტორნებში, ამაყობს Harrods-ის მოდური მაღაზიიდან შეძენილი ნივთებით, ხშირად იცვლის იმიჯს. მისი სისუსტეა Hermes-ისა და Chanel-ის ჩანთები.
მარი კალაშიკი სწავლობს ლონდონის უნივერსიტეტის Bayes-ის ბიზნესსკოლაში, თუმცა, მისი სოციალური ქსელებიდან ამას ვერ შეამჩნევთ. იქ მხოლოდ გლამურული ცხოვრება ჩანს - ძვირადღირებული რესტორნები, ხამანწკები და ძვირფასი სასმელები. ერთი წლის წინ გოგონა სამეფო დოღს დაესწრო, რომელიც ბრიტანეთის ერთ-ერთი მთავარი საზოგადოებრივი ღონისძიებაა.
ის ლონდონში ძვირადღირებულ ბინაში ცხოვრობს. ინტერიერი სავსეა ძვირფასი ავეჯით, ხოლო ფანჯრებიდან ბიგ-ბენის ხედი იშლება. მარია ბევრს მოგზაურობს, განსაკუთრებით ხშირად სტუმრობს რუსეთს, არაბთა გაერთიანებულ საამიროებს და საფრანგეთს, იმ ქვეყნებს, რომლებიც მისი დედის, მარინა გოლდბერგის, წარსულს უკავშირდება.
ბიზნესი და უძრავი ქონება
შაქროს ოჯახის წევრებს რუსეთში ბიზნესი არ აქვთ. 2019 წლამდე (როცა როჩდელის ქუჩაზე სროლა მოხდა) ქალი გვარად გოლდბერგი ფლობდა „კულტურის სახლის“ მესამედს. ამ კომპანიას 49 წლით ნაქირავები ჰქონდა მიწის ნაკვეთი გასართობი ცენტრის, Golden Palace-ის ასაშენებლად და ფლობდა ბრენდ Golden Girls სტრიპტიზ-კლუბს. ეს ადგილები 90-იან წლებში ლეგენდარული იყო.
იურიდიული პირი ხშირად იცვლიდა სახელწოდებას, სასამართლო დავებში იყო ჩართული, ცდილობდა ქონების გადაფარვას - აქტივები გადამალული იყო სეიშელის ოფშორებში და ბევერლი ჰილზის ტრასტებში. საბოლოოდ, პანდემიის პერიოდში, ეს კომპანია დაიხურა საგადასახადო სამსახურების მიერ, რადგან მისი იურიდიული მისამართი და დირექტორი ეჭვქვეშ დააყენეს.
„Golden Palace“-იც და სტრიპტიზ-კლუბიც დღესაც ფუნქციონირებს, თუმცა მათ დიდი ხანია დაკარგეს ძველი ბრწყინვალება.
მარია კალაშიკი რეგულარულად ჩადის მოსკოვში. აქ ის იშენებს ბინას, რომლის ღირებულება 6 მილიონი დოლარია. ეს ბინა მდებარეობს "მწერლების სახლში“.
ეს არასტანდარტული საცხოვრებელი კომპლექსია, რომელიც ტვერსკაიას ქუჩასა და "ერმიტაჟის" ბაღს შორის მდებარეობს. თითოეულ ბინას აქვს აივანი და ზამთრის ბაღი.
შაქროს ოჯახის წევრები ასევე ფლობენ მდიდრულ სახლის კომპლექსს რუბლიოვკაზე, კერძოდ, დახურულ დასახლებაში. ამ სახლის ინტერიერი გამორჩეულად მდიდრულია. სახლის სხვადასხვა კუთხეში ბრენდული ჩანთების გარდერობებია, რაც ერთ დროს კრიმინალურ ანგარიშებში მოხვდა. ეს ქონება რამდენიმე მილიონი დოლარი ღირს.
გოგონა ივლისში საქართველოს სტუმრობდა
მარიას ტელეგრამის ანგარიშზე საქართველოც მოხვდა. ის თბილისს 2024 წლის ივლისში სტუმრობდა.
„მინდა გაგიზიაროთ იმ ადგილების არჩევანი, რომელიც 3 დღეში მოვინახულე თბილისში:
სასტუმრო „სტამბაში“ დავბინავდი, რომელიც საბჭოთა პერიოდში იყო გამომცემლობა. სასტუმროს ინტერიერში წიგნებია და ზოგადად, ინტერიერი ძალიან სასიამოვნოა.“ - წერს მარია. გოგონა ასევე რამდენიმე ცნობილ რესტორანს ახსენებს, სადაც გემრიელი ხინკალი და ტირამისუ მიირთვა.
შაქრო კალაშოვის შესახებ
თბილისელი კანონიერი ქურდი, ერთ-ერთი ყველაზე ცნობილი კრიმინალური ავტორიტეტია. მას შემდეგ, რაც 2013 წელს კრიმინალური ავტორიტეტი ძედ ხასანი (ასლან უსოიანი) მოკლეს, მას "რუსეთში N1 კანონიერი ქურდს უწოდებენ".
· კალაშოვი 2006 წლის მაისში, დუბაიში დააკავეს და ესპანეთს გადასცეს, სადაც დამნაშავედ ცნეს ფულის გათეთრებაში და შვიდნახევარი წლით თავისუფლების აღკვეთა მიუსაჯეს და 20 მილიონი ევროს ოდენობის ჯარიმა დააკისრეს. მოგვიანებით სასჯელი ცხრა წლით შეუცვალეს.
· განაჩენის გამოტანისთანავე ესპანეთის ხელისუფლებამ კალაშოვის ექსტრადიციის თაობაზე ორი მოთხოვნა მიიღო. პირველი რუსეთიდან, რადგან რუსეთის სპეცსამსახურები ამტკიცებდნენ, რომ კალაშოვი რუსეთის მოქალაქე იყო და სასჯელი რუსეთში უნდა მოეხადა. მეორე შევიდა საქართველოდან, სადაც კალაშოვს გამოძალვისა და უკანონო შეიარაღებული დაჯგუფების ორგანიზებისთვის დაუსწრებლად მისჯილი ჰქონდა 18 წლით თავისუფლების აღკვეთა.
· 2011 წელს ესპანეთის ხელისუფლებამ ქართული მხარის მოთხოვნის დაკმაყოფილების გადაწყვეტილება მიიღო, მაგრამ კალაშოვმა საჩივარი შეიტანა ესპანეთის უზენაეს სასამართლოში და რუსეთში გადაყვანა მოითხოვა. 2014 წლის 29 ოქტომბერს კანონიერი ქურდი რუსეთის შსს-ში გადაიყვანეს, სადაც ხანმოკლე საუბრის შემდეგ გაათავისუფლეს.
· კალაშოვი ბოლოს 2016 წლის 12 ივლისს დააკავეს. მას ერთ-ერთი რესტორნის მფლობელისთვის 8 მილიონი რუბლის (იმდროინდელი კურსით 140 ათასი დოლარი) გამოძალვაში ედებოდა ბრალი. შემთხვევის დროს, სროლისას ორი ადამიანი დაიღუპა. 2018 წელს მოსკოვის ნიკულინსკის რაიონულმა სასამართლომ კალაშოვი გამოძალვაში დამნაშავედ ცნო და ცხრა წლითა და ათი თვით თავისუფლების აღკვეთა მიუსაჯა. მას სასჯელი 2026 წელს ეწურებოდა, თუმცა კვლავაც ვადაზე ადრე მოახერხა სასჯელისგან თავის დაღწევა.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
