!["როცა ადამიანს შეუძლია, პატიმარ ქალს [მზია ამაღლობელს] ცილისწამებით შეეხოს, არაკაცობაა" - ანდრო ჭიჭინაძე ირაკლი კობახიძეზე](https://cdn.ambebi.ge/media/__thumbs__/images/2025/04-24/chichinadze10-51179.webp)
მნიშვნელოვანი ინფორმაცია
24
აპრილიდღის ზოგადი ასტროლოგიური პროგნოზი
პარასკევი, მთვარის ოცდამეშვიდე დღე დაიწყება 05:13-ზე, მთვარე 11:20-ზე ესტუმრება ვერძს
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის. მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად, ყვავილების დასარგავად; ქორწინებისა და ნიშნობისათვის. თავის ტკივილი რომ აირიდოთ, არ გადაიღალოთ გონებრივი სამუშაოთი. მოერიდეთ დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ყოველთვის ვოცნებობდი ფილოსოფოს პრეზიდენტზე”
23:09 / 29-08-2013
"ძალიან მაწუხებს ის, რაც დღეს ხდება. ძალიან მეშინია პუტინის"... - ამბობს მსახიობი და ტელეწამყვანი დოდო ხურცილავა. მისი აზრით, რუსეთის პრეზიდენტის, ვლადიმირ პუტინის ბიჭვინთაში ვიზიტი, აფხაზეთის დე ფაქტო პრეზიდენტ ალექსანდრე ანქვაბთან შეხვედრა იყო პროვოკაცია და ძალზე საშიში ფაქტი.
- ქალბატონო დოდო, რა საშიშროებას ხედავთ ბიჭვინთაში გამართული შეხვედრისგან?
- ამ ვიზიტით დასტურდება, რომ პუტინი ქართველების ნერვებზე თამაშობს. მას სააკაშვილი პრობლემებს არ უქმნიდა. ამბობდა, ამ გიჟთან ლაპარაკს არ ვაპირებო და მშვიდად, აუღელვებლად განაგრძობდა თავის საქმეს. ახლა მას ბევრი აქვს საფიქრალი. ახალი ხელისუფლება იმის საბაბს არ აძლევს, რომ დიალოგი არ განაახლოს. დიალოგი მას არ აძლევს ხელს და ცდილობს, რაღაც ისეთი გააკეთოს, რომ ქართული მხარე მდგომარეობიდან გამოიყვანოს და სისულელე ჩაადენინოს. ახლა ჩვენს პოლიტიკოსებს ძალიან დიდი სიბრძნისა და თავდაჭერილობის გამოჩენა მართებთ.
- იმედი გაქვთ, რომ ახალი ხელისუფლება ახალ გამოწვევებს ღირსეულად გაართმევს თავს?
- თითქოს იმედი მაქვს, მაგრამ ბოლომდე დარწმუნებული არ ვარ. რაღაც კუთხით საზოგადოებას იმედი გაუცრუვდა და სხვა საკითხებიც კითხვის ნიშნის ქვეშ დადგა...
- იმედი რასთან დაკავშირებით გაგიცრუვდათ?
- ქართველი ხალხი იმედგაცრუებულია იმის გამო, რომ "ქართულმა ოცნებამ" სამართლიანობის აღდგენა ვერ მოახერხა. "ნაციონალებმა" ის კოაბიტაციაში ჩაითრიეს და ახლა სახელს უტეხენ. თუმცა მათ ერთი რამ ეშლებათ... ხომ იცით, ზოგიერთ ქალს ჰგონია, რომ თუ კაცს ცოლს დააშორებს, თავად გახდება მისი ცოლი. ასე არიან "ნაციონალებიც". რატომ ჰგონიათ, თუ "ქართულ ოცნებაზე" გული აგვეყრება, ისევ "ნაციონალებს" დავუჭერთ მხარს? რა, მაგათ გარდა საქართველოში პოლიტიკური ძალა აღარ არსებობს?
- თქვენ რომელ ძალას მიანიჭებთ უპირატესობას?
- იცით, რა, მე ჯერ ბოლომდე არ გამცრუებია იმედი. ჯერ კიდევ მაქვს რაღაცის იმედი. ბიძინა ივანიშვილმა თქვა, - სიტუაციის გამოსასწორებლად ერთი წელი კიდევ დამჭირდებაო... დაველოდები ამ ერთი წლის გასვლას და თუ არაფერი შეიცვალა, მერე გადავწყვეტ, რომელ პოლიტიკურ ძალას ვენდო.
- ბიძინა ივანიშვილმა ერთ-ერთ ინტერვიუში განაცხადა, რომ ახალი წლის დადგომამდე აპირებს გადადგომას...
- დიახ, ამ განცხადებამ ცოტათი შემაშინა, მაგრამ ბიძინა ძალიან ჭკვიანი კაცი მგონია და იმედი მაქვს, რომ რაღაც საინტერესო აქვს ჩაფიქრებული.
- რამდენად შეესაბამება სიმართლეს, რომ თქვენ და ია ფარულავა ერთმანეთს ბიძინა ივანიშვილისა და მიხეილ სააკაშვილის გამო დაუპირისპირდით?
- ნაწილობრივ. მე და ია ერთმანეთს მისი არაადამიანური გამონათქვამის გამო დავუპირისპირდით. გადაცემიდან წასვლის წინ მან თქვა, რომ "დღის შოუ" მალე დაიხურებოდა და ამით ბედნიერი იყო. რაც შეეხება სააკაშვილსა და ივანიშვილს, მე მიშას ძალიან ცუდი სიტყვა ვუწოდე, იამ კი ეს სიტყვა გაიმეორა და თქვა, რომ ეს ბიძინა ივანიშვილი იყო.
- მიშას რა სიტყვა უწოდეთ?
- ძალიან ცუდი სიტყვა, საჯაროდ ვერ ვიტყვი, მრცხვენია... მე და ია არჩევნებზე ძალიან ბევრს ვკამათობდით. ის დარწმუნებული იყო, რომ "ნაციონალები" გაიმარჯვებდნენ, იმასაც კი ამბობდა, რომ დასჭირდეთ, არჩევნებს გააყალბებენ და მაინც ეგენი დარჩებიან ხელისუფლებაშიო. დღეს ძალიან ბედნიერი ვარ, რომ "ნაციონალებმა" ვერ გაიმარჯვეს.
- საპრეზიდენტო არჩევნებისთვის გადაწყვეტილება უკვე მიღებული გაქვთ?
- კი. შესაძლოა, რომანტიკულად ვარ განწყობილი, მაგრამ ფილოსოფოს პრეზიდენტზე ყოველთვის ვოცნებობდი.
- რატომ? რას ელით ფილოსოფოსი პრეზიდენტისგან?
- სიბრძნეს. არა ეშმაკობას, არა ვერაგობას, არა უბრალოდ ჭკუას, არამედ ძალიან დიდ სიბრძნეს. ახლა ჩვენ მხოლოდ დიდი სიბრძნე გვიხსნის.
ხათუნა ბახტურიძე
(გამოდის ხუთშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ნიუ ჯერსიში მასშტაბურ ტყის ხანძარს ებრძვიან
კვირის კითხვადი სტატიები
მნიშვნელოვანი ინფორმაცია
მკითხველის რჩევით
