მნიშვნელოვანი ინფორმაცია
11
აპრილიდღის ზოგადი ასტროლოგიური პროგნოზი
პარასკევი, მთვარის მეთოთხმეტე დღე დაიწყება 18:54-ზე, მთვარე სასწორს ესტუმრება 05:12-ზე
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მეცხრე არხის" თანამშრომლები განცხადებას ავრცელებენ
02:13 / 23-08-2013
"მეცხრე არხის" თანამშრომლები ტელეკომპანიის ოფიციალურ გვერდზე განცხადებას ავრცელებენ, რომელსაც "ინტერპრესნიუსი" უცვლელად გთავაზობთ: "ტელეკომპანიის დახურვასა და მას შემდეგ განვითარებულ მოვლენებთან დაკავშირებით, "მეცხრე არხის" თანამშრომლები საჭიროდ მივიჩნევთ, გავავრცელოთ ერთობლივი განცხადება.
ტელეკომპანია "მეცხრე არხმა" საქმიანობა 2012 წლის 30 აპრილს, ქვეყნისთვის ურთულეს პერიოდში განაახლა. "მეცხრე არხზე" იყო სრული სარედაქციო დამოუკიდებლობა, რაც ყველა ჩვენგანისთვის ქმნიდა მოტივაციას, მეტი პროფესიონალიზმით და თამამად ეთქვა სათქმელი. არ ყოფილა თემა, რომლის გაშუქებისგანაც არხის საინფორმაციო სამსახურმა, კონიუქტურული მოსაზრებების გამო, თავი შეიკავა.
არხის მფლობელის, პრემიერ-მინისტრის ოჯახის გადაწყვეტილებას ტელევიზიის ყველა თანამშრომელი გაგებით შეხვდა. მძიმე ემოციური ფონის მიუხედავად, არხის საინფორმაციო სამსახურმა მთავარ - 9 საათიან საინფორმაციო გამოშვებაში საკუთარი გულისტკივილიც დელიკატურად გამოთქვა და არხის მფლობელს აქამდე გამოჩენილი თანადგომისთვის, სარედაქციო დამოუკიდებლობის მაღალი სტანდარტისთვის, მადლობაც გადაუხადა.
"მეცხრე არხის" ყველა თანამშრომელი კატეგორიულად ემიჯნება პრეზიდენტ მიხეილ სააკაშვილის ნებისმიერი პოლიტიკოსის მხრიდან გამოთქმულ შეფასებას "გამოყენების" შესახებ. აქვე აღვნიშნავთ, რომ ტელეკომპანიის არცერთ თანამშრომელს მსგავსი შინაარსის განცხადება არ გაუკეთებია. "მეცხრე არხი" იყო თითოეული ჩვენგანის არჩევანი და ამავე დროს, კარგად გვქონდა გაცნობიერებული, რას ნიშნავს კერძო მედიასაშუალებაში მუშაობა.
რაც შეეხება არხის თანამშრომელთა პროფესიონალიზმს: საინფორმაციო სამსახურში მუშაობენ პროფესიონალები, რომელთა დიდ ნაწილს მრავალწლიანი გამოცდილება და მდიდარი ჟურნალისტური წარსული აქვს. მათ შორის არიან ჟურნალისტები, რომლებიც თანამშრომლობდნენ საერთაშორისო მედია საშუალებებთან: BBC - (ქეთი თუთბერიძე), RaiNews- (თამუნა ხურცია), Deutsche Welle- (დავით ახვლედიანი), France Press - (გიორგი ფოფხაძე), Voice of America (რუსუდან წერეთელი), CNN- (ლაშა ზარგინავა), National Geographic (გია ცინცაძე), New York Times (თამთა კაპანაძე) და ა. შ. არხის საინფორმაციო სამსახურში მუშაობენ ჟურნალისტები, რომლებიც წარსულში საქმიანობდნენ სხვადასხვა ქართულ ნაციონალურ არხზე და იყვნენ საზოგადოებისთვის კარგად ცნობილი სახეები. თითოეულ მათგანს გავლილი აქვს ავტორიტეტული საერთაშორისო მედიაორგანიზაციების ტრენინგები და პრაქტიკული კურსები.
პრემიერ-მინისტრს არაერთხელ აღუნიშნავს "მეცხრე არხის" ჟურნალისტების პროფესიონალიზმი და საქმისადმი ერთგულება. შესაბამისად, ჩვენთვის მოულოდნელი იყო ბატონ ბიძინა ივანიშვილის დღევანდელი განცხადება. მიგვაჩნია, რომ პრემიერ-მინისტრს არ მიეწოდებოდა რეალური ინფორმაცია არხის რეიტინგისა და თანამშრომელთა განწყობის შესახებ.
ორი დღის განმავლობაში ჩვენ, "მეცხრე არხის" თანამშრომლებმა, განსაკუთრებული თანადგომა ვიგრძენით ჩვენი მაყურებლისგან, რისთვისაც უღრმეს მადლობას ვუხდით თითოეულ მათგანს. მაყურებლის ნდობა და სიტყვის თავისუფლება იყო ჩვენი მთავარი მოტივაცია. მადლობა ჩვენს მაყურებელს!", - ნათქვამია განცხადებაში.
საქართველოს პრემიერ-მინისტრმა გუშინ განაცხადა, რომ "მე-9 არხის" ხელმძღვანელობა და ჟურნალისტები არაპროფესიონალურად მოიქცნენ, როდესაც არხის მაუწყებლობა 1-ელ სექტემბრამდე შეწყვიტეს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
