მნიშვნელოვანი ინფორმაცია
11
აპრილიდღის ზოგადი ასტროლოგიური პროგნოზი
პარასკევი, მთვარის მეთოთხმეტე დღე დაიწყება 18:54-ზე, მთვარე სასწორს ესტუმრება 05:12-ზე
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. გაუფრთხილდით თირკმლებს. მოერიდეთ სითხისა და ალკოჰოლის მიღებას. აგრეთვე სუსტდება ენდოკრინული სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
კაბუ - "რა უფლებით ამბობს სურამელაშვილი პრეზიდენტობა მინდაო?"
23:54 / 21-08-2013
ქართველმა რეპერმა კაბუმ წლევანდელი ზაფხული თბილისში გაატარა, ჯანმრთელობის მდგომარეობის გამო მან ქალაქიდან გასვლა ვერ მოახერხა. კაბუ (კახა აბუაშვილი) დღეს რუბრიკა "ფსიქოს" სტუმარია.
- რა სიახლეებია თქვენს შემოქმედებაში?
- სიახლეა ის, რომ დავწერე ახალი სიმღერა. ვაპირებ სიმღერის სტუდიური ჩანაწერი გავაკეთო და შემდეგ გამოვუშვა ალბომი. რა და როგორ იქნება, მართლი გითხრათ, არ ვიცი, რადგან არაფრის ხალისი აღარ მაქვს, ისეთი რამეები ხდება ქვეყანაში...
- რა არ მოგწონთ?
- რა უნდა მომეწონოს? ხალხმა სასწორზე დადო საკუთარი სიცოცხლე, ბოლომდე იბრძოლა და რა მიიღო? არაფერი. მე არც მივსულვარ არჩევნებზე, ვიცოდი, ასე რომ მოხდებოდა...
- "ნაციონალურ მოძრაობას" მისტირით?
- როგორ შეიძლება სააკაშვილს მივტიროდე? მიშამ მე ცხოვრება წამართვა. ხანდახან მგონია, რომ სიზმარია და იმ საქართველოში გავიღვიძებ, სადაც ადრე ვცხოვრობდი. მოგონილი მგონია დავით აღმაშენებლისა და თამარ მეფის ეპოქა... ეს ის ქვეყანა არ არის, სადაც გავიზარდე. დასაკარგი რომ მაქვს, იმიტომ ვაპროტესტებ ამას, თორემ წავიდოდი ამ ქვეყნიდან. ჩინოვნიკებს რომ ქვეყანა უყვარდეთ, პირველივე მოწვევაზე "ფოჩებიანი" პრეზერვატივების საკითხს კი არ განიხილავდნენ. თითქოს სხვა პრობლემები არ იყოს ქვეყანაში. ეს ხომ ხალხის დაცინვაა.
- თქვენ რომ მოგცენ ქვეყნის მართვის სადავეები, პირველ რიგში რა პრობლემების მოგვარებას დაიწყებდით?
- პირველ რიგში ჭკვიან ადამიანს გადავაბარებდი ამ პოსტს. ისეთ ქვეყანაში მინდა ცხოვრება, სადაც ხალხს ქუჩაში არ აწამებენ და ცნობილი ადამიანები "კრაკადილს" არ იკეთებენ... სირცხვილია, სირცხვილი.
- თქვენი აზრით, ვინ არის ყველაზე ჭკვიანი პოლიტიკოსი?
- საქმეც ის არის, ასეთ პოლიტიკოსს რომ ვერ ვხედავ... უამრავი პრობლემაა ქვეყანაში, ხალხს შია, ათასი უბედურება ტრიალებს. 14 წელი მომცეს მოსაწევზე, რომელიც ხალხს კურნავს, ამ დროს კი ბავშვები "ბიოთი" და "კრაკადილით" იღუპებიან. ეს თუ არ აიკრძალა, ტრაგედია დატრიალდება. არ მომწონს პოლიციური სახელმწიფო, მე თვითონ წავალ მოსაფსმელად, ბატონო, ჯობია მომპარავებს მიხედონ. ვიცი, რა არის პირველ რიგში მოსაგვარებელი, მაგრამ ამ პრობლემების მოგვარების გზას ვერ ვხედავ და მეშინია. სიმღერაც კი დავწერე ამაზე. რისი იმედი უნდა მქონდეს, როცა პრემიერ-მინისტრს ქვეყნის მოქალაქეობა არა აქვს, პრეზიდენტი კი ავად არის?!
- რას აჩუქებდით ივანიშვილს ან სააკაშვილს?
- არც ერთთან არ მინდა ურთიერთობა. რა უნდა ვაჩუქო? მე მინდა ქვეყანა დალაგდეს, თუ რუსეთის მხარეს ვართ, რუსეთის ვიყოთ, თუ ამერიკის - ეგეც გვითხრან. მთავარია ხალხისთვის რამე გაკეთდეს. ვერ გავიგე, რა ხდება. ამ გია სურამელაშვილს რა უნდა? რომ წავიკითხე, პრეზიდენტობას აპირებსო, 1-ლი აპრილი მეგონა. სურამელაშვილი წავიდეს და მწვადი ჭამოს, რა უფლებით ამბობს, პრეზიდენტობა მინდაო? ეგ მაკლია ქვეყნის სათავეში! თუ სურამელაშვილს მისცემენ საკუთარი კანდიდატურის დარეგისტრირების უფლებას, მაშინ მეც ვიყრი კენჭს.
- კაბუ, თეატრში დაგაბრუნეს?
- არა, ჯანმრთელობა გამიუარესდა, რამდენიმე ოპერაცია გავიკეთე. სხვა პრობლემებიც იყო და ისევ თეატრის გარეშე ვცხოვრობ...
ფსიქოლოგის დასკვნა
ლევან ოდიშარია, ფსიქოლოგი: ემოციური ადამიანია, ქვეყნის თუ თითოეული ადამიანის სატკივარი გულთან ახლოს მიაქვს. პირდაპირია, არ ერიდება საკუთარი აზრის საჯაროდ გამოხატვას.
თამარ ბოჭორიშვილი
ყოველკვირეული გაზეთი "ყველა სიახლე"
(გამოდის ოთხშაბათობით)
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
