მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ნიკო გომელაურის 43-ე დაბადების დღე
09:58 / 12-07-2013
ყველასთვის საყვარელ მსახიობსა და პოეტს ნიკო გომელაურს დღეს, 12 ივლისს 43 წელი შეუსრულდებოდა. უკვე სამი წელი გავიდა მას შემდეგ, რაც აღარ არის... ამ დღის აღსანიშნავად, მისი პოეზიის თაყვანისმცემლებმა და ფანებმა, რომლებიც არც ისე ცოტანი არიან, დილიდანვე დიდუბის მწერალთა და საზოგადო მოღვაწეთა პანთეონში დაიწყეს შეკრება. როგორც ამბობენ, პანთეონის ტერიტორიაზე ნაკადი არ წყდებოდა...
ნინა ჩოდრიშვილი, ნიკოს მეუღლე:
- ნიკოს საფლავზე 5 საათისთვის მოვედი და უამრავი ხალხი დამხვდა. არადა, "ფეისბუქზე" მის თაყვანისმცემლებს გამოცხადებული ჰქონდათ, რომ 5 საათისთვის უნდა შეკრებილიყვნენ, მაგრამ აქ ადამიანების, ახალგაზრდების მსვლელობა, როგორც დამლაგებელმა მითხრა, თურმე დილიდან დაწყებულა. მოდიოდნენ, მოჰქონდათ ყვავილები, სვამდნენ შესანდობარს, კითხულობდნენ ლექსებს... მოკლედ, დილიდან საპანაშვიდო სიტუაცია ყოფილა. კიევიდან ჩამოვიდა უცხო სტუმარი, რომელმაც ნიკოს ხსოვნას ლექსი მიუძღვნა და სახსოვრად გადმოგვცა...
- ქალბატონო ნინა, პირადად თქვენთვის რას ნიშნავს ეს დღე?
- თქვენ წარმოიდგინეთ, ვარ მხიარული, გახარებული, კარგ გუნებაზე. ამ დღეს არანაირი სევდა არ ახლავს. სხვათა შორის, დილიდან ასეთი განწყობილებით გავიღვიძე... დღეს ათენში ასევე ტარდება ნიკოს საღამო, რომელიც სალონიკშიც უნდა გაიმართოს, საღამოს ორგანიზატორები ქართულმა დიასპორამ გერმანიაშიც დაპატიჟა... ნიკოს გარშემო შექმნილი ასეთი რეზონანსი მე მხოლოდ და მხოლოდ ბედნიერს მხდის, მამხნევებს და საოცარ ძალას მმატებს. ნიკოს დაბადების დღეზე მოსული ადამიანები წინა წლებში ძირითადად ნიკოს ლექსებს კითხულობდნენ. გუშინ კი მათ, ვინც აქ მოსვლას აპირებდა, "ფეისბუკის" საშუალებით მივმართე და ვთხოვე, რომ წელს ცოტა განსხვავებული ყოფილიყო და საკუთარი ლექსები წაეკითხათ. ჰოდა, ახლა სწორედ ისეთ დროს დამირეკეთ, რომ აქ ჭეშმარიტი პოეზიის ზეიმია!
- დღევანდელი დღე ასე დამთავრდება თუ კიდევ ექნება რაიმე გაგრძელება?
- ნიკოს ბავშვობის მეგობრები მის დაბადების დღეზე ტრადიციულად იკრიბებიან ხოლმე და იქ ალბათ, მეც მივალ...
- როგორც მახსოვს, ნიკოს აუდიოდისკზე მუშაობდით. უკვე დასრულდა?
- ნიკოს აუდიოდისკი ცოტა ხანში დასრულდება, რომელშიც შედის ნიკოს მიერ წაკითხული საკუთარი ლექსები, ასევე მისი საუბრები ამა თუ იმ თემაზე მსჯელობა. მოკლედ, ამ ჩანაწერს მივაგენი და მომინდა, მისთვის ასეთი ფორმა მიმეცა. სექტემბერში ალბათ ალბომის პრეზენტაციას გავმართავ. ამასთან, აღნიშნულ დისკს კიდევ ერთი დისკი დაერთვება, რომელშიც ნიკოს მიერ წაკითხული (სხვადასხვა ავტორის) 126 ლექსი შევა.
ლალი ფაცია
სპეციალურად "ამბები.გე"-სთვის
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
