1
მაისიდღის ზოგადი ასტროლოგიური პროგნოზი
5 წლის ბავშვებს სათამაშოები უფრო იზიდავთ, ვიდრე ჩაცმა. თუმცა არსებობენ ისეთი გამონაკლისები, როგორიც მატეო ალონსოა.
მართალია მატეო მხოლოდ 5 წლისაა, მაგრამ მას ცნობილი ბრენდების პერანგები და ინდივიდუალური, ექსკლუზიური კოსტუმები აცვია. სოციალურ ქსელებში მატეო ალონსოს ათიათასობით თაყვანისმცემელი ჰყავს, რომლებიც ყოველდღიურად უქებენ მატეოს სტილის შეგრძნებას. არიან ისეთებიც, ვინც თვლის, რომ ეს ყველაფერი ზედმეტია 5 წლის ბიჭისთვის და ამ გატაცების გამო მატეოს შესაძლოა, ნორმალური ბავშვობა არ ჰქონდეს.
მატეოს დედა, ლუიზა ფერნანდა ესპინოსა აცხადებს, რომ არასდროს წაუქეზებია შვილი.
"როდესაც მისთვის კოსტუმს ვყიდულობდით, აღვნიშნე, რომ მას ძალიან მოუხდებოდა შარფი ან ქუდი. მატეომ ეს სიტყვები დაიმახსოვრა და 3-4 წლის ასაკში უკვე თავად მთხოვდა კოსტუმებისთვის ჰალსტუხების შეძენას", - აცხადებს ლუიზა.
მატეომ პოპულარობა მას შემდეგ მოიპოვა, რაც დედამისმა შვილის ფოტო სოც-ქსელ Instagram-ზე გამოაქვეყნა. დღეისათვის მატეოს გვერდის ხელმომწერი 130 000 ადამიანია. სხვა სოც-ქსლეებში კი 5 წლის მოდის მიმდევარს რამდენიმე ფან-გვერდი შეუქმნეს.
ცნობილი სტილისტები, რომელბიც კრის ბრაუნთან, ბიონსესთან და კელი როულენდთან მუშაობენ, თვლიან, რომ მატეოს არაჩვეულებრივი გემოვნება აქვს.
სამოსის შესაძენად მატეო ალონსო ისეთი ბრენდის მაღაზიებს სტუმრობს, როგორიცაა "მარკ ჯეიკობსი", "სტელა მაკარტნი", Dolce&Gabanna.
"როდესაც მაღაზიაში ვართ,თუ რაიმე მოეწონა და საშუალება მაქვს, ვცდილობ, ვუყიდო", - აცხადებს ლუიზა.
სკოლაში წავლის წინ, ყოველ დილით ალონსო თავად არჩევს გარდერობიდან სამოსს. ბიჭი იმდენად პოპულარული გახდა, რომ მის სახლთან ყოველთვის დგას რამდენიმე ადამიანი ფოტოაპარატით ხელში.
მომზადებულია drunov.ru-ს მიხედვით.
