პერსონალური ზებგერითი თვითმფრინავი

ამერიკული კომპანია Saker Aircraft ბიზნესმენებისთვის პერსონალურ ზებგერით თვითმფრინავს შექმნის. ამჟამად მსოფლიოში ყველაზე სწრაფი ბიზნეს-კლასის თვითმფრინავის ტიტული ამერიკულ Cessna Citation X-ს აქვს, რომელიც მაქსიმალურ 975 კმ/სთ-ს ავითარებს. მწარმოებელთა თქმით, მათი ახალი Saker S-1, რომლის დიზაინიც სამხედრო თვითმფრინავისგანაა ნასესხები, 1050-1100 კმ/სთ სიჩქარეს განავითარებს.

ორადგილიანი თვითმფრინავის ფრენის მანძილი 2575 კმ იქნება. დამატებითი ავზების გამოყენების შემთხვევაში, მანძილი 3540 კმ-მდე გაიზრდება. კომპაქტური ზომები, Saker S-1-ის მფლობელს შენახვას გაუმარტივებს და მომსახურების ხარჯებსაც შეუმცირებს. მძლავრი ძრავებისა და სრულყოფილი აეროდინამიკური ფორმების წყალობით, კონკურენტებთან შედარებით თვითმფრინავი 20%-ით ნაკლებ საწვავს მოიხმარს.

მკაცრი იერის მიუხედავად, თვითმფრინავის პილოტირებას საშუალო დონის მომზადების მქონე მფრინავიც შეძლებს. ამჟამად თვითმფრინავი პროექტირების სტადიაშია, თუმცა საკუთარ ინტერნტსაიტზე კომპანია Saker Aircraft წინასწარ შეკვეთებს უკვე იღებს.

მოამზადა ნუკრი მგელაძემ Popmech.ru-ის მიხედვით.