მნიშვნელოვანი ინფორმაცია
3
მაისიდღის ზოგადი ასტროლოგიური პროგნოზი
შაბათი, მთვარის მეშვიდე დღე დაიწყება 09:50-ზე, მთვარე ლომში გადაბრძანდება 15:36-ზე
ისეთი საქმეები წამოიწყეთ, რომლებსაც დღესვე დაასრულებთ და სხვა დროისთვის არ გადადებთ. მნიშვნელოვანი გადაწყვეტილებების მიღება სხვა დროისთვის გადადეთ.
ფინანსური ოპერაციების დაგეგმვასა და უძრავი ქონების ყიდვა-გაყიდვას არ გირჩევთ.
კარგი დღეა მსხვილი საყიდლებისთვის. კარგი დღეა შემოქმედებითი საქმიანობისთვის, სწავლისა და გამოცდების ჩასაბარებლად. უფროსთან და თანამდებობის პირებთან ნებისმიერ საქმეს მარტივად მოაგვარებთ. კარგი დღეა ფიზიკური ვარჯიშებისა და საოჯახო საქმეების შესასრულებლად. ზომიერება გმართებთ საკვებსა და სასმელში. მოერიდეთ გულის გადაღლას; ოპერაციებს გულსა და ზურგზე. შესაძლოა შეგაწუხოთ რადიკულიტმა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ლეტიცია კასტა "ნამდვილი კინომანი ვარ"
23:15 / 31-05-2013
ფრანგი მოდელისა და მსახიობისთვის, ლეტიცია კასტასთვის, ბოლო პროექტები "სიყვარულის ამბავი" და "ცოდვილი ვნება" იყო. ამ უკანასკნელში რიჩარდ გირს გაუწია პარტნიორობა. მანამდე, 2010 წელს, სერჟ გინსბურგის შესახებ გადაღებულ ბიოგრაფიულ ფილმში ბრიჯიტ ბარდოს როლი ითამაშა. ლეტიცია კვლავ აქტიურად მუშაობს და გულახდილ ინტერვიუებზეც არ ამბობს უარს.
დოსიე
1978 წლის 11 მაისს დაიბადა საფრანგეთში. 15 წლისამ მიიღო მიწვევა სამოდელო სააგენტოდან და სულ მალე წარმატებული მოდელი გახდა. 18 წლისა "ვიქტორიას სიქრეთის" წამყვანი მოდელი გახდა. 1999 წელს პირველად ითამაშა ფილმში "ასტერიქსი და ობელიქსი ცეზარის წინააღმდეგ".
2000 წელს საფრანგეთის ეროვნული სიმბოლოს მარიანას პროტოტიპად აირჩიეს. ერთ წელიწადში პირველი ქალიშვილი გააჩინა ფრანგი ფოტოგრაფის სტეფანო სედნუისგან. შემდეგ იტალიელ მსახიობ სტეფანო აკორსისთან დაიწყო ცხოვრება. დღესაც მის გვერდით არის და მისგან ქალ-ვაჟიც ეყოლა.
"ვგიჟდები კერძების მომზადებაზე"
- როგორ ინარჩუნებთ ასეთ შესანიშნავ ფორმას?
- ვერ მიწოდებთ სპორტულ ადამიანს, მაგრამ დილაობით დავრბივარ და თითქმის მთელი დღე ვცურავ. კვირაში რამდენჯერმე პილატესითაც ვარ დაკავებული. შესანიშნავი ინსტრუქტორი მყავს, უკვე მრავალი წელია.
- დიეტას თუ იცავთ?
- ვცდილობ სწორად ვიკვებო: დიდ ყურადღებას ვაქცევ პროდუქტების წარმომავლობასა და ხარისხს. მნიშვნელოვანია, რომ იყოს საღი და სასარგებლო, მაგრამ არა აუცილებლად ორგანული. მაგალითად, საუზმედ ხილს მივირთმევ, სოიის იოგურტს, მსხვილმარცვლოვან პურს და აუცილებლად ვსვამ ერთ ჭიქა თბილ წყალს ლიმონით.
- როცა თავისუფალი ხართ, როგორ ისვენებთ?
- ოჯახთან ვატარებ დროს. ბავშვები ისე სწრაფად იზრდებიან და მათთან ერთად თითოეული მომენტით ვტკბები. მიყვარს წვეულებების ორგანიზება და მეგობრების შეკრება დიდ ოჯახურ სადილებზე. ვგიჟდები მომზადებაზე, შემიძლია, კულინარიული წიგნით ხელში ჩამეძინოს კიდეც - მენიუს ვგეგმავ. ხოლო მოსადუნებლად აბაზანას ვიღებ - არომატულ ზეთებს ვამატებ და პარფიუმერიულ სანთლებს ვანთებ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
