2
მაისიდღის ზოგადი ასტროლოგიური პროგნოზი
აზერბაიჯანის ქალაქ ნაფტალანში ნავთობის აბაზანას იღებენ. მისი სამკურნალო თვისებების შესახებ ადგილობრივებისთვის დიდი ხანია ცნობილია.
ნავთობის აბანოები ნაფტალანში პოპულარული საბჭოთა პერიოდში გახდა. მაშინ აქ მთელი ქვეყნის მასშტაბით ადამიანები გამოსაჯანმრთელებლად დადიოდნენ. 1980-იან წლებში ამ ქალაქს ყოველწლიურად 75 000 ადამიანი სტუმრობდა. ნავთობს მისი უნიკალური თვისებების გამო დამამშვიდებელი ეფექტი აქვს, იგი ისეთი კანის დაავადებების სამკურნალოდ გამოიყენება, როგორიცაა ეგზემა და ფსორიაზი. იგი სახსრების ტკივილსაც შველის.
პოპულარული კურორტი 1988 წელს აზერბაიჯანელებისა და მთიან ყარაბაღში მცხოვრებ ეთნიკურ სომხებს შორის დაწყებული ომის შემდეგ დაცარიელდა. საავადმყოფოები დევნილთა ბანაკებად იქცა, სსრკ-ს დაშლის შემდეგ კი ნავთობის აბანოები დაიხურა. დღეს, ნავთობის დახმარებით მკურნალობის პროცესი თანდათანობით ვითარდება.
მეცნიერები ადასტურებენ, რომ ნავთობს, რომელიც ნაფტალანში აბაზანისთვის იყენებენ, სამკურნალო თვისებები აქვს: მიზეზი კი მასში შემავალი ნაფტალინია. ნავთობის აბაზანა ჩვეულებრივ 10 წუთი გრძელდება, შემდეგ კანის გასუფთავება და შხაპის მიღება ხდება. სპეციფიკური ფერი კანზე სამი დღე რჩება. ნავთობს, აბაზანის შემდეგ, ხელახალი გამოყენებისთვის გადაამუშავებენ. პროდუქტის მაღალი ღირებულების გამო მსოფლიო ბაზარზე, ნავთობის აბაზანაში ბანაობა 200-240 დოლარი ღირს.
მომზადებულია kulturologia.ru-ს მიხედვით.
