მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
Facebook-ის აუდიტორია მცირდება
08:11 / 01-05-2013
როგორც დამოუკიდებელმა კვლევებმა აჩვენა, სოციალური ქსელი "ფეისბუქის" აუდიტორია ერთი თვის განმავლობაში მილიონი მომხმარებლით შემცირდა. "ფეისბუქის" მომხმარებელთა ნაწილი ალტერნატიულ სოც-ქსელებში გადადის, ხალხი ახალ ონლაინ-პლატფორმებს ეძებს.
როგორც კომპანია SocialBakers-ის ანალიტიკოსები აცხადებენ, გასულ თვეს ყველაზე მსხვილმა სოციალურმა ქსელმა 6 მლნ მომხმარებელი დაკარგა, რაც აუდიტორიას 4%-ით ამცირებს. დიდ ბრიტანეთში ვარდნამ 4.5%-ს მიაწია. ნახევარი წლის განმავლობაში "ფეისბუქის" აუდიტორია აშშ-ში 9 მლნ ყოველთვიური მომხმარებლით, ხოლო დიდ ბრიტანეთში 2 მლნ ყოველთვიური მომხმარებლით შემცირდა.
სოც-ქსელის მომხმარებელთა რიგები შეთხელდა კანადაში, ესპანეთში, საფრანგეთში და გერმანიაში, სადაც Facebook-ი დიდი ხნის განმავლობაში ერთპიროვნულად ლიდერობდა.
ალტერნატიული სოციალური ქსელები, მაგალითად ფოტოების გაცვლის სერვისის მქონე "ინსტაგრამი" პირიქით - სულ უფრო მეტად პოპულარული ხდება. მისი აუდიტორია 18 თვის განმავლობაში 30 მლნ მომხმარებლამდე გაიზარდა.
ასევე გაიზარდა Path-ის მომხმარებელთა რიგები. ამ სოციალურ ქსელში კომუნიკაციის ერთადერთი საშუალება ფოტოებია. აქ ვერ მოუსმენთ მუსიკას, ვერ ნახავთ ვიდეოს და ვერ დაელაპარაკებით მეგობრებს ჩატის საშუალებით. ამ სოციალურმა ქსელმა ამუშავებიდან 1 კვირაში 1 მლნ მომხმარებელი შეიძინა, ხოლო დღეისთვის მათი რიცხვი 9 მლნ-ს უტოლდება.
Facebook-ის პოპულარობა იზრდება სამხრეთ ამერიკაში : ბრაზილიის ყოველთვიური აუდიტორია 6%-ით გაიზარდა.
ასევე მცირდება სოც-ქსელებში გატარებული დროის მოცულობა. 2012 წლის დეკემბერში დროის საშუალო მაჩვენებელი 121 წუთი იყო, თებერვალში კი 115 წუთამდე დაეცა.
მომზადებულია news.am-ის მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
