მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
როგორ მოვიქცეთ გასაუბრებაზე
04:24 / 27-04-2013
სოციოლოგებმა ქცევის წესები გამოავლინეს, რომელიც გასაუბრებაზე უნდა გამოიჩინოთ, თუ სამსახურის შოვნა გსურთ. ახალი ამბავი არაა, რომ გასაუბრებაზე დამსაქმებელმა არ უნდა შეგამჩნიოთ, რომ საკუთარ თავში დარწმუნებული არ ხართ, მაგრამ ეს ერთადერთი არაა, რისი გათვალისწინებაც მოგიწევთ.
BusinessNewsDaily-ში გამოქვეყნებულმა სოციოლოგიურმა კვლევამ აჩვენა, რომ კადრების მართვის განყოფილების მენეჯერებს არ უყვართ, როდესაც გასაუბრებაზე მისული ადამიანი მათ თვალს არიდებს. კვლევაში მონაწილეობა პერონალის მართვაში ერთ-ერთი წამყვანი კომპანიის Adecco-ს მენეჯერებმა მიიღეს.
ინტერვიუერებს ასევე ძალიან აღიზიანებთ, როდესაც სამსახურის დაწყების მსურველი გამუდმებით ტელეფონს უყურებს და ამოწმებს, ზარი ან მოკლე ტექსტური შეტყობინება ხომ არ მისვლია.
წარმატების შანსებს არასწორად შერჩეული სამოსიც ამცირებს. ასევე აუცილებელია, რომ დასმულ შეკითხვებს პასუხები ზუსტად გასცეთ და თავის არიდება, ან პასუხში არასაჭირო ინფორმაციის დამატება არ სცადოთ.
გარდა ამისა, დამატებითმა კვლევამ, რომლის ფარგლებშიც 500 HR-მენეჯერი გამოიკითხა, გაარკვია, რომ ინტერვიუერები დასაქმების მსურველისგან დიალოგში მეტ ჩართულობას ითხოვენ. მათმა 35%-მა განაცხადა, რომ მიესალმებიან კითხვების მიღებასაც, ასე რომ კითხვის დასმის არ უნდა შეგეშინდეთ.
გამოკითხულ მენეჯერთა 43%-ის განცხადებით, კანდიდატი ავტომატურად კარგავს შანსს, თუ მათ ნაწერში მართლწერის შეცდომებია დაშვებული.
მომზადებულია BusinessNewsDaily-ს მიხედვით.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
