მნიშვნელოვანი ინფორმაცია
1
მაისიდღის ზოგადი ასტროლოგიური პროგნოზი
პირველი მაისი, ხუთშაბათი, მთვარის მეხუთე დღე დაიწყება 07:10-ზე, მთვარე კირჩხიბში იქნება 11:27-დან
მოერიდეთ ახალი საქმეების დაწყებას, მნიშვნელოვანი გადაწყვეტილებების მიღებას. უძრავი ქონების ყიდვა-გაყიდვა სხვა დღისთვის გადადეთ. არ გირჩევთ საქმეების, ურთიერთობის გარჩევას. მშვიდად აკეთეთ თქვენი საქმე. ნუ განიხილავთ ახალ პროექტებს. ივარჯიშეთ. ცუდი დღეა ნიშნობისა და ქორწინებისთვის. გაამდიდრეთ თქვენი რაციონი რძე და რძის ნაწარმით, თაფლით. მოერიდეთ ცხოველური საკვებს. დღის რთული ორგანო კუჭია. მოერიდეთ ოპერაციებსა და მკურნალობის დაწყებას კუჭზე, ნაღვლის ბუშტზე, მკერდზე, ლიმფურ სისტემაზე, საშვილოსნოზე.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
THE "ვანოს დღე"
13:19 / 19-04-2013
19 აპრილის აქციასთან დაკავშირებით ისეთი პროგნოზები კეთდებოდა, რომ ზოგიერთს გულიც კი დასწყდა, რომ არაფერი მოხდა - არც ცემა-ტყეპა ყოფილა და არც მიხეილ სააკაშვილი გადამდგარა. მოკლედ, "ექშენი" არ იყო.
სამაგიეროდ, ქვეყანაში "ეროვნული მოძრაობა" დაიწყო. პირველად მსოფლიოს ისტორიაში "ეროვნული მოძრაობა" დაანონსეს მოქმედმა პრეზიდენტმა და მოქმედმა თბილისის მერმა. საერთოდ, როგორც წესი, ეროვნულ მოძრაობას ოკუპირებულ ან დაპყრობილ ქვეყანაში იწყებენ და გამარჯვების შემთხვევაში, ყოფილი დისიდენტები ხდებიან ხოლმე პრეზიდენტები და მერები. ჩვენთან უკუღმა ხდება და ლოგიკურად, პროცესი სააკაშვილისა და უგულავას "ლაგერებში" მოთავსებით უნდა დაიწყოს.
ლამის "ეროვნული მოძრაობის" ერთ-ერთი ლიდერი ვანო მერაბიშვილი გამოგვრჩა. სხვათა შორის, პირველი გამარჯვება უკვე მიღწეულია. ყოველ შემთხვევაში, მერაბიშვილმა რუსთაველზე შეკრებილებს ამცნო - აქციის შემდეგ ივანიშვილი, მთავრობა და პუტინი ვეღარ იოცნებებენ, რომ საქართველო ევროპას დაშორდესო. ამას მერაბიშვილმა 12 ათასი(დაახლოებით ამდენი ესწრებოდა აქციას) კაცით მიაღწია და წარმოიდგინეთ, რა მოხდებოდა, "ნაციონალებს", ბოდიშით, "ეროვნულ მოძრაობას" რუსთაველზე 50 ათასი კაცი რომ შეეკრიბა. სულ მცირე, ყელზე თოკმობმული პუტინი ჩოქვით ჩამოვიდოდა კრემლიდან კასპამდე, მაქსიმუმ კი, კიდევ ერთხელ მივიღებდით "მაპ"-ზე უკეთესს.
"ხელები შორს საქართველოს დამოუკიდებლობისგანო", - თქვა მერაბიშვილმა და ახალი აღმოჩენა გააკეთა: 90-იან წლებში, როდესაც ეროვნული მოძრაობა დაიწყო, საქართველოს დამოუკიდებლობისთვის მაქსიმუმ 1000 კაცი იბრძოდაო. ან მერაბიშვილს ეროვნული მოძრაობა სხვა რამე ჰგონია, ან 90-იან წლებში სხვაგან იყო. არა, აშკარად პირველ შემთხვევასთან გვაქვს საქმე.
სააკაშვილმა კი ნამუსზე ააგდო ახალი მთავრობა - უღირსობაა, როდესაც იუშენკოს საპნის, შამპუნისა და აბანოს ანგარიშს უგზავნიო. არადა, უკრაინის ყოფილი პრეზიდენტი იფიცება - არ მიბანავია თბილისში, იმ დროს საერთოდ არ ვყოფილვარ საქართველოს დედაქალაქშიო. არა, - უმტკიცებენ თბილისიდან - გინდა თუ არა იყავი და შენი ჩუსტები და ჩაიდნები 400 დოლარი დაგვიჯდაო. ესენი იმდენს იზამენ, რომ ბოლოს და ბოლოს იუშენკოს აბანოფობია დაემართება.
სამწუხარო ამბავიც უნდა გითხრათ - როგორც ჩანს, "ეროვნული მოძრაობის" ლიდერებს შორის ყველაფერი წესრიგში არ არის. კერძოდ, როდესაც სააკაშვილი იუშენკოს აბანოზე საუბრობდა, მერაბიშვილმა ადგა და აქცია დატოვა. "შენც ვანო?", - იფიქრა ალბათ, დისიდენტმა-პრეზიდენტმა.
ექსპერტებმა აქცია დაანონსეს, როგორც "ვანოს დღე". თუმცა მთლად ასე არ გამოვიდა. თუმცა მერაბიშვილმა გული არ გაიტეხოს. თუ "ეროვნული მოძრაობა: დამაცხდა, შეუძლია იუმორის სფეროში სცადოს ბედი - ყოველ შემთხვევაში, 19 აპრილს საქართველოში ჩატარებული ერთად აღებული ყველა მიტინგის პაროდია კარგად გამოუვიდა.
გიორგი კვიტაშვილი
გააკეთეთ კომენტარი
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
