მნიშვნელოვანი ინფორმაცია
2
მაისიდღის ზოგადი ასტროლოგიური პროგნოზი
პარასკევი, მთვარის მეექვსე დღე დაიწყება 08:23-ზე, მთვარე კირჩხიბშია
მოაგვარეთ წვრილ-წვრილი საქმეები. სერიოზულები სხვა დროისთვის გადადეთ. კარგი დღეა კოლექტიური მუშაობისთვის, ბიზნესისთვის. მოაგვარეთ ფინანსური საკითხები. თუ არ გეჩქარებათ, უძრავ ქონებასთან დაკავშირებული საკითხები სხვა დღისთვის გადადეთ. ნეიტრალური დღეა ვაჭრობისა და სასამართლო საქმეებისთვის. კარგი დღეა სწავლისა და გამოცდების ჩასაბარებლად; ურთიერთობის გარჩევისათვის; ქორწინების, ნიშნობისთვის. ნეიტრალურია სამსახურის, საქმიანობის, საცხოვრებლის შეცვლა. მოერიდეთ ალკოჰოლს, ქიმიური პრეპარატების მიღებას. ნუ მიირთმევთ მძიმე საკვებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კვირის პალიტრა" 18 წლის გახდა
11:19 / 18-04-2013
გაზეთი "კვირის პალიტრა" დღეს 18 წლის გახდა. საიუბილეო თარიღთან დაკავშირებით "მედია პალიტრამ" რამდენიმე ღონისძიება გამართა.
მედიასახლმა სასჯელაღსრულების დეპარტამენტს საჩუქრად 500 ბიბლია და მხატვრული ლიტერატურის 1000 წიგნი გადასცა, რომელიც ყველა საპატიმროს ბიბლიოთეკებს გადაუნაწილდება.
"კვირის პალიტრის" მთავარმა რედაქტორმა, გიორგი თევდორაშვილმა და "მედია პალიტრის" კრეატიულმა დირექტორმა, მარიკა დარჩიამ სასჯელაღსრულების დაწესებულების მე-5 ქალთა საპატიმროს მათთვის განკუთვნილი ბიბლია და მხატვრული ლიტერატურა ჩაუტანეს.
საიუბილეო თარიღის აღნიშვნა საქართველოს პარლამენტის ეროვნულ ბიბლიოთეკაში გაგრძელდა, სადაც გაზეთ "კვირის პალიტრის" არქივის ელექტრონული ვერსიის პრეზენტაცია გაიმართა.
ეროვნულმა ბიბლიოთეკამ გაზეთ "კვირის პალიტრის" სრული არქივის ელექტრონული ბაზა შექმნა. ელექტრონულ ბაზაში შესულია 18 წლის განმავლობაში გამოცემული ყველა ნომერი, რომლის ნებისმიერი სტატიის მოძიება შესაძლებელია ეროვნული ბიბლიოთეკის ვებგვერდზე და google-ს საძიებო სისტემის მეშვეობით.
გარდა ელექტრონული ბაზის პრეზენტაციისა, დღესვე კიდევ ერთი ერთობლივი პროექტის შეჯამება მოხდა. ეს არის პროექტი "მაკულიტერატურა", რომლის ფარგლებში უკვე 20 ათასამდე წიგნის გადარჩენა მოხერხდა, რომლებიც მაკულატურიდან ამოარჩიეს, აქედან 2000 უნიკალური წიგნი ეროვნული ბიბლიოთეკის არქივს გადაეცა.
"კვირის პალიტრის" საიუბილეო ღონისძიებები კი, დილით, დიღმის ტყე-პარკში ნერგების დარგვით დაიწყო. დღეს 300 ნერგი დაირგო.
გაზეთ "კვირის პალიტრის" პირველი ნომერი 1995 წლის 18 აპრილს გამოვიდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
