24
აპრილიდღის ზოგადი ასტროლოგიური პროგნოზი
საგამოფენო ცენტრი "ექსპო ჯორჯია" 12-დან 14 აპრილამდე, მე-11 პავილიონში მე-15 საერთაშორისო ტურისტულ გამოფენასა და საქმიანი ტურიზმის, შეხვედრებისა და კონფერენციების მე-2 საერთაშორისო გამოფენას უმასპინძლებს. ადგილობრივ კომპანიებთან ერთად გამოფენაში მონაწილეობენ უცხოური კომპანიებიც, კერძოდ, აზერბაიჯანიდან, სომხეთიდან, თურქეთიდან, ტაილანდიდან, არაბთა გაერთიანებული საამიროებიდან... 50-მდე საგამოფენო სტენდზე 100-მდე ორგანიზაცია იქნება წარმოდგენილი. ჩამონათვალში არიან ტურ-ოპერატორები და ტურისტული სააგენტოები, დასასვენებელი კომპლექსები და ავიაკომპანიები მრავალფეროვანი ტურისტული პროდუქტით: კულტურული, ისტორიული და ღვინის ტურები, აგრეთვე ექსტრემალური და სათავგადასავლო პროგრამები.
გამოფენის მნიშვნელობასა და დეტალებზე პროექტის მენეჯერი ნინო გამრეკელი გვესაუბრება:
- ეს არის ერთ-ერთი ტრადიციული გამოფენა, რომელიც 15 წელია ტარდება და წელიწადში ერთხელ ტურისტული ინდუსტრიის წარმომადგენელ კომპანიებს აერთიანებს. მონაწილე კომპანიები მრავალფეროვან ტურისტულ პროდუქტს წარმოადგენენ, აქცენტი კეთდება შიდა ტურისტულ პოტენციალზე, თუმცა მრავალფეროვნად არის წარმოდგენილი საერთაშორისო მარშრუტებიც. დამთვალირებელი ამომწურავ ინფორმაციას მიიღებს სასურველ ტურისტულ მარშრუტებზე, ისტორიულ, კულტურულ, სათავგდასავლო და ექსტრემალურ ტურისტულ ზონებზე.
გარდა ამისა, ტურისტული გამოფენის ფარგლებში ჩატარდება საქმიანი ტურიზმის მეორე საერთაშორისო გამოფენა, სადაც სტუმრებს საშუალება ექნებათ საქმიანი ღონისძიებების ეფექტურად ორგანიზებისთვის საჭირო ყველა დეტალზე მიიღონ ინფორმაცია.
გამოფენა ტარდება საქართველოს ტურიზმის ეროვნული ადმინისტრაციის, დაცული ტერიტორიების სააგენტოს, USAID -ის ეკონომიკური აღმავლობის ინიციატივის მხარდაჭერით. საქართველოს დაცული ტერიტორიების სააგენტო წარმოადგენს საქართველოს ყველა ნაკრძალს მრავალფეროვანი ტურისტული მარშრუტებით. ფოტოთვალსაჩინოების გარდა, სტენდზე მოცემული იქნება სრული ინფორმაცია, თუ როგორ შეიძლება იქ დასვენება და გართობა. სად შეიძლება კემპინგის გაშლა, მდინარეზე გასეირნება და სხვ.
გამოფენა სამი დღე გაგრძელდება. დამთვალიერებელს საშუალება ექნებათ საქმიანი კონტაქტები დაამყაროს ორგანიზაციების წარმომადგენლებთან, სრულყოფილი ინფორმაცია მიიღოს საქართველოს ტურისტულ პოტენციალზე და ტურისტული ორგანიზაციების დახმარებით წინასწარ დაგეგმოს დასვენება საქართველოსა და მის ფარგლებს გარეთ.
გამოფენის სამუშაო საათები: 11:00-18:სთ, 12-14 აპრილი, 11 პავილიონი.
R
_2019-10-08_RxpzhSG0MIT5YR.jpg)
